Erbolat Dosaevtyń tapsyrmasy boıynsha Almatynyń Bostandyq aýdanyndaǵy 70 aýlaǵa jóndeý jumystary bastaldy
Bostandyq aýdanynyń turǵyndarymen kezdesýde Almaty ákimi Erbolat Dosaev aýla aýmaqtaryn jańǵyrtý qarqyny týraly habarlady.
Aýdanda qosymsha bólingen 400 mln teńgege 70 aýlaǵa aǵymdaǵy jóndeý jumystary júrgizilýde. Jumystar 30 myń turǵyndy qamtı otyryp, qarasha aıynyń sońyna deıin aıaqtalady.
Sonymen qatar, sońǵy ret 2017-2018 jyldary abattandyrylǵan 50 aýla aýmaǵyna kúrdeli jóndeý júrgizý úshin jobalaý-smetalyq qujattama ázirlenýde.
Jaıly qalalyq ortany damytý aıasynda qazan aıynda Abaı jáne Gagarın dańǵyldarynyń qıylysynda aýdany 1 ga ýchaskeni abattandyrý boıynsha jumystardy aıaqtaý josparlanǵan. Jeke ınvestısıalar esebinen 98,7 mln teńge somasynda balalar jáne sport alańdary, ıtterdi serýendetýge arnalǵan aımaq, demalýǵa arnalǵan oryndar ornatyldy, kógaldandyrý júrgizildi.
Sondaı-aq, Jeltoqsan kóshesi men Abaı dańǵyly men Sátbaev kóshesi arasyndaǵy bólý jolaǵyn abattandyrý jumystary aıaqtalady.