Almatyda kóshe jaryǵyn jaqsartý jumystary jalǵasýda.
Atap aıtqanda, Bostandyq aýdanynyń 14 kóshesinde 110-nan astam sham aýystyryldy, dep habarlaıdy Almaty-akshamy.kz.
Sońǵy aptada qala turǵyndarynyń ótinishterin eskere otyryp, Jandosov, Mıchýrın, Mının, Ótepov, Vıtebsk, Masanchı, Ǵabdýllın, Buqar jyraý, Manas, ál-Farabı dańǵyly, Brýsılovskıı, Turǵut Ozal, Músirepov, Hodjanov býlvarlary kóshelerindegi shamdar aýystyryldy.
Aıta ketý kerek, jergilikti ózin-ózi basqarýdy ortalyqsyzdandyrýdyń arqasynda jaryqtandyrý jaǵdaıyn aıtarlyqtaı jaqsartýǵa qoljetti.
2023 jyldyń jeltoqsan aıynan bastap Bostandyq aýdanynda 1200-den astam sham aýystyryldy, 900-ge jýyq ótinim pysyqtaldy. Sondaı-aq, qoǵamdyq keńistikterdi abattandyrý aıasynda 117 sham ornatyldy, al 80 aýlany abattandyrý kezinde 917 sham baǵanasy aýystyryldy.
2024 jyly «Almagúl», «Orbıta-1,2» sh/a jáne Tilendıev kóshesi boıymen «Akvarel» TK deıin shamdary bar qosymsha 267 baǵana ornatylady.
Esterińizge sala keteıik, qala aýdandarynyń ákimdikteri ortalyqsyzdandyrý aıasynda «Almaty Qala Jaryq» MKK-men jaryqtandyrý jabdyqtaryna qyzmet kórsetýge shart jasasýda. Nátıjesinde tehnıkalyq qyzmetkerlerdiń shtat sany artty.
Buǵan deıin «AQJ» qurylymynda tehnıkalyq qyzmet kórsetý mamandary bolmaǵan, óıtkeni bul jumysty josyqsyz jekeshe áriptes - úsh kompanıadan turatyn konsorsıým-ABM- Vuilding 2007, «Elektroremont» JSHS jáne «ABM-Project» JSHS oryndaǵan. Alaıda, «Almaty Qala Jaryq» MJÁ shartynyń talaptaryn oryndamaý jónindegi sot talqylaýlaryna baılanysty jergilikti jerlerde kóshelerdi jaryqtandyrý máselelerin óz betinshe pysyqtaýǵa májbúr.
Aıta keteıik, «Almaty Qala Jaryq» MKK dıspecherlik pýnkti 8771-718-24-39, 8771-718-24-56, 390-20-40, 390-20-60 nómirleri boıynsha táýlik boıy ótinimderdi qabyldaýdy júzege asyrady.