18 naýryzdan bastap qumar oıyndarǵa jáne bás tigýge qatysýǵa derbes shekteýge arnalǵan onlaın-servıs iske qosyldy.
Qazaqstannyń Týrızm jáne sport mınıstrligi qansha azamattyń onlaın oıyn oınaýǵa tyıym salǵanyn aıtty, dep habarlaıdy Almaty-akshamy.kz
18 naýryzdan bastap Qazaqstan Respýblıkasynyń azamattary men turǵyndaryn qumar oıyndarǵa jáne bás tigýge qatysýǵa derbes shekteýge arnalǵan onlaın-servıs pılottyq rejımde iske qosyldy.
Osy jylǵy 1 sáýirdegi jaǵdaı boıynsha "eGov mobile" mobıldik qosymshasy arqyly qyzmetti Qazaqstannyń 7 myńnan astam azamattary men rezıdentteri paıdalandy.
"Onlaın formattaǵy jańa qyzmet qaǵaz nusqadaǵy jazbasha ótinishke qaraǵanda ótinishterdi óńdeý merzimin edáýir qysqartady jáne qumar oıyndarǵa qatysýdan ózin-ózi shekteý rásimin jeńildetedi. Bul barlyq azamatqa, eń aldymen qumar oıyndarmen shekten tys áýestenetin tulǵalarǵa barlyq lısenzıalanǵan oıyn mekemeleri men býkmekerlik keńselerdiń zańdy saıttaryna kirýge lezde tosqaýyl qoıýǵa múmkindik beredi", - dedi Týrızm jáne sport mınıstriniń orynbasary Mıras Tólebaev.
Áleýetti ótinish berýshilerdiń nazaryn qumar oıyndarǵa jáne bás tigýge qatysýyn óz betinshe bas tartqysy keletin tulǵalar ótinishti derbes ESQ paıdalana otyryp, ózdigimen berýi tıis ekendigine aýdaramyz. Ótinishti úshinshi tulǵalar bere almaıdy.
Paıdalanýshylarǵa yńǵaıly bolý úshin Týrızm jáne sport mınıstrligi "Ulttyq aqparattyq tehnologıalar" AQ-men birlesip egjeı-tegjeıli beıne nusqaýlyq ázirledi, ol "eGov mobile" mobıldi qosymshasynda jáne Týrızm jáne sport mınıstrliginiń ınternet-resýrsynda qoljetimdi bolady:
Sonymen qatar sıfrlyq servıspen qatar QR azamattary men rezıdentteri úshin qumar oıyndarǵa jáne bás tigýge qatysýdan ózin-ózi shekteý týraly jazbasha ótinishti (qaǵaz nysanda) oıyn bıznesin uıymdastyrýshylary arqyly berý múmkindigi saqtalady.
Qaǵaz formatynda qumar oıyndarǵa jáne bás tigýge qatysýdan 3 myńnan astam adam ózderin shektedi.