Stýdentterge shákirtaqy berý týraly da Memorandýmǵa qol qoıyldy.
Qazaqstandyq stýdentter Ońtústik Koreıanyń tórt jetekshi ýnıversıtetinde (Sungkyunkwan University, Kyung Hee University, Hanyang University, University of Seoul) bilim ala alady, dep habarlaıdy Almaty-akshamy.kz
Ońtústik Koreıaǵa jumys sapary aıasynda Ǵylym jáne joǵary bilim mınıstri Saıasat Nurbek Seýl meri O Se Hýnmen kezdesti.
Bıyldan bastap Seýl qalasynyń ákimdigi Qazaqstan azamattaryna jasandy ıntellekt, robototehnıka, bıologıa, fınteh/blokcheın sıaqty tehnıkalyq jáne ınjenerlik mamandyqtar boıynsha magıstratýrada oqý úshin 5 bilim grantyn bóledi.
Sondaı-aq mınıstr Saıasat Nurbek pen Kengıdo provınsıasynyń bilim basqarmasynyń basshysy Im Te Hı myrzanyń kezdesýi ótti.
Kezdesý aıasynda Qazaqstan Respýblıkasy Ǵylym jáne joǵary bilim mınıstrligi men Kengıdo provınsıasynyń bilim basqarmasy arasynda pedagogıkalyq joǵary oqý oryndaryn bitirgen qazaqstandyq túlekterdi provınsıalyq mektepterde orys tilin oqytý úshin Ońtústik Koreıaǵa jiberý týraly memorandýmǵa qol qoıyldy.