Almaty qalasynyń bas sanıtar dárigeri Qarlyǵash Ábdijabbarova epıdemıologıalyq jaǵdaı kúrdelenýine jáne jańa «omıkron» shtamynyń tabylýyna baılanysty jańa qaýlyǵa qol qoıdy, dep habarlaıdy Almaty-akshamy.kz
Qaýlyda birqatar shekteý bar.
- Ashyq jobasyna qatysatyn nysandarda 30 adamǵa deıin eske alýdy qospaǵanda, ashyq aspan astynda da, úı-jaılar ishinde de buqaralyq is-sharalardy (banketter, úılený toılary, mereıtoılar jáne t.b.) ótkizýge jáne qatysýǵa tyıym salý;
- qoǵamdyq oryndarǵa, onyń ishinde qoǵamdyq kólikterge jáne qyzmetine ruqsat etilgen nysandarǵa barǵan kezde, sondaı-aq qoǵamdyq oryndarda (5 jasqa deıingi balalardy qospaǵanda jáne ashyq aýada sportpen shuǵyldanýdy qospaǵanda) betperde taǵý, áleýmettik araqashyqtyqty saqtaý jáne antıseptıkterdi paıdalaný qajet.
- PTR-synama oń nátıje kórsetkende («qyzyl» mártebe) jáne naýqaspen jaqyn baılanysta bolǵan kezde («sary» mártebe) - 14 kún boıy ózin oqshaýlaý rejıminde ustaý qajet.
Qaýlynyń tolyq mátinin myna jerden oqı alasyz.