Saıran Saıfedenov Óńirlik komýnıkasıalar qyzmetiniń baspasóz konferensıasynda Almatynyń Áýezov aýdanynda mektepter men balabaqshalardaǵy oryn tapshylyǵy máselesiniń qalaı sheshilip jatqanyn aıtty, dep habarlaıdy almaty-akshamy.kz.
Aýdan ákimi jańa korpýstardyń aýdandaǵy qoldanystaǵy mektepterdiń júktemesin tómendetýge kómektesetinin habarlady. Mektepter birneshe jyl qatarynan keńeıip keledi.
Saıran Saıfedenovtiń aıtýynsha, Áýezov aýdanyndaǵy 33 memlekettik mektepte 49 myńnan astam oqýshy, 10 jekemenshik mektepte 1700-den astam oqýshy bar.
Oqýshy oryndarynyń eń úlken tapshylyǵy 2019 jyly boldy – 6 299 oryn. Alaıda, Mamyr shaǵynaýdanyndaǵy №202 mekteptiń (1200 orynǵa) jáne Aqsaı shaǵynaýdanyndaǵy №123 mekteptiń jańa korpýstarynyń (400 orynǵa) paıdalanýǵa berilýi arqasynda azaıdy. Sondyqtan ótken jyly 4 699 oryn tapshy boldy.
«Jańa oqý jylynda oryn jetispeýshiligin boldyrmaý úshin 3600 oqýshyǵa arnalǵan №6, 117, 121, 132, 133 mektepterdiń jańa ǵımarattarynyń qurylysyn qyrkúıekke deıin aıaqtaý josparlanýda. Biz sondaı-aq 400 oryndy eki jeke mektep ashýdy josparlap otyrmyz. 2021 jyldyń sońynda paıdalanýǵa berilgennen keıin tapshylyq 1099 oryndy quraıdy», - dedi Saıran Saıfedenov.
Aýdanda mektepke deıingi mekemelerde oryn tapshylyǵy máselesi belsendi túrde sheshilýde. Búginde Áýezov aýdanynda 147 balabaqsha men shaǵyn ortalyqtar jumys isteıdi – 16 509 bala. Bul rette tapshylyq 10 799 orynǵa teń.
«Biz jańa balabaqshalar salý arqyly bul tapshylyqty azaıtý úshin belsendi sharalar qoldanamyz. Bıyl 662 oryndy 9 jeke balabaqsha ashyldy», - dedi S. Saıfedenov.
№23 jáne №186 balabaqshalarda kúrdeli jóndeý aıaqtaldy. Sondaı-aq, «Altyn besik» shaǵynaýdanynda 120 oryndy balabaqsha qurylysynyń jobalyq-smetalyq qujattary ázirlenýde. Qazirgi ýaqytta Jaıly qalalyq orta basqarmasy arqyly balabaqsha qurylysyn jobalaý jumystary júrgizilýde.