Qalamyzdaǵy epıdahýaldyń nasharlaǵany jasyryn emes. Biraq osy jaǵdaıǵa kóz juma qaraıtyn, mán bermeıtin jerlesterimiz kóp.
Búgin ótken «Aǵymdaǵy epıdemıologıalyq jaǵdaı jáne COVID-19-dyń taralýyn aldyn alý sharalary» atty onlaın baspasóz máslıhatynda Almaty qalasy sanıtarıalyq-epıdemıologıalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın osylaı dedi, dep habarlaıdy Almaty-akshamy.kz
«Tamyzdyń 10-12 aralyǵynda aýrýdyń órshýiniń joǵary kórsetkishi baıqalady. Áli de tyǵylyp jasaıtyn toı toqtaǵan joq, vaksınany da azamattarymyz tolyq alyp bitken joq. Restoran men túngi klýbqa baratyn jastar arasynda aýrý juqtyrý kóp. Kópshilik orynǵa maskasyz barý, ara qashyqtyq saqtamaý aýrýdy odan saıyn kóbeıtip otyr. Baqylaýdy kúsheıtip-aq otyrmyz, biraq halyqtyń sany kóp, baqylaýshy barlyq jerge birdeı jete bermeıdi. Sondyqtan da halyqtan tek qana sanaly túrde tıylýdy suraımyn», -dedi bas sanıtar.