Áýezov aýdanynyń ákimi Saıran Saıfedenov Óńirlik komýnıkasıalar qyzmetiniń baspasóz konferensıasy barysynda jyl sońyna deıin qandaı joldardyń jańartylatynyn jáne aýdan kóshelerin jaryqtandyrý máselesi qalaı sheshilip jatqanyn aıtty.
Saıran Saıfedenovtiń aıtýynsha, aýdanda jol tesikterin aǵymdyq jóndeý jumystary belsendi túrde júrgizilýde. Qazirdiń ózinde 13,5 myń m2 shuńqyr jóndeldi, 749 aqaý joıyldy, dep habarlaıdy Almaty-akshamy.kz
Jalpy uzyndyǵy 21,5 shaqyrymdy quraıtyn 33 kóshede ortasha jol jóndeýdiń birinshi kezeńinde jumystar júrgizilýde.
Sonymen qatar Tóle bı kóshesiniń uzyndyǵy 3,5 shaqyrym bolatyn joldaryn ortasha jóndeýdiń ekinshi kezeńine konkýrstyq sharalar júrgizilýde.
«Bıyl uzyndyǵy 15 km bolatyn jaıaý júrginshiler jolyn abattandyrý josparlanǵan, búginde 9,5 km aıaqtaldy. Jumys qarasha aıynyń sońyna deıin aıaqtalady», - dedi Saıran Saıfedenov.
Sonymen qatar, aryqtardy jóndeý máselesi júzege asyrylýda. Aýdan ákimdigine 121 shaqyrym aryq tıesili. Bıyl Shalápın kóshesin ortasha jóndeý aıasynda 1 km sýarmaly aryq jelisi aýystyryldy. Sondaı-aq 42,6 shaqyrymdyq aryq torabynyń qurylysyna konkýrstyq sharalar júrgizilýde.
Saıran Saıfedenov kóshelerdi sapaly jaryqtandyrý aýdandy abattandyrýdaǵy basym máseleniń biri ekenin aıtty.
«Kósheni jaqsy jaryqtandyrý qalalyq ortany jaqsartady, adamdarǵa jaılylyq pen qaýipsizdikti qamtamasyz etedi. Bizdiń aýdanda syrtqy jaryqtandyrý jelisiniń uzyndyǵy 410 shaqyrymdy quraıdy, bul 14 myń jaryq núktesinen asady. Áýezov aýdanynda birinshi jartyjyldyqta jartylaı jaryqtandyrylmaǵan 89 jerge taǵy 1166 sham ornatyldy», - dedi aýdan ákimi.
Ol eski shamdar zamanaýı 1341 jaryqdıodty shamdarǵa aýystyrylatynyn, olar aýdannyń 9 kóshesinde (Abaı dańǵyly, Altynsarın dańǵyly, Shalápın kóshesi, Aırıhı kóshesi, Qabdolov-Marǵulan kóshesi, Jubanov kóshesi, Iassaýı kóshesi, Ulyqbek kóshesi, Elemesov kóshesi) paıda bolatynyn aıtty. Qazirgi kezde aýystyrý jumystary 15%-ǵa oryndaldy.
Sonymen qatar bıyl Dostyq shaǵynaýdanynyń 7 kóshesine syrtqy jaryq jelisin salý josparlanýda, munda 198 sham ornatylady.