Búgin tańerteńnen júzdegen almatylyq jasyl jelek, sonyń ishinde alma aǵashyn jappaı otyrǵyzýǵa shyqty. Aksıaǵa birqatar tanymal almatylyqtar, sonyń ishinde ánshiler, akterler, sportshylar, qoǵam qaıratkerleri men qurmetti qala turǵyndary qatysty.
"Alataý" dástúrli óner teatrynyń aktrısasy Alma Amanjolova óziniń "juldyzdy" áriptesterimen birge Almatynyń jasyl beldeýin kórkeıtýge óz úlesin qosty.
"Almaty-bizdiń ortaq úıimiz" naýqany bir aıǵa jýyq ýaqytqa sozyldy. Biz búgin Alataý aýdanynda, alma aǵashtaryn otyrǵyzatyn ALA saıabaǵynyń aýmaǵyndamyz. Meniń oıymsha, bul bizdiń qalamyzdyń ekologıalyq ortasyn saqtaýǵa úlken úles qospaq", - dedi A.Amanjolova.
Shyǵarmashylyq zıaly qaýym ókili onyń barlyq áriptesteri eko-bastamany úlken yntamen qabyldaǵanyn atap ótti.
«Bizder, ártister, týǵan jerimizge degen súıispenshiligimizdi tek án, bımen ǵana emes, osynda ıgi sharalar arqyly da úles qosýǵa daıynbyz. Bolashaqta qoldan jasalǵan osyndaı baqta barlyq jergilikti turǵyndar, qalamyzdyń balalary serýendep, ómirden lázzat alsa, keremet bolar edi. Bizdiń qala taza, jasyl ári eń ádemi bolýy kerek. Men Almatynyń jasyl beldeýin qurýǵa qatysqanyma qýanyshtymyn", - dedi ol.
Esterińizge sala keteıik, aksıa barysynda 8 myńnan astam aǵash otyrǵyzyldy. Sonyń ishinde 4 myńnan astam alma aǵashy. Al "Qaraǵaı ormany" saıabaǵynyń aýmaǵynda 500 alma men órik kóshetteri, "ALA" saıabaǵynyń aýmaǵynda 2270 kóshet jáne Boraldaı ózeniniń boıyndaǵy baqylaý alańynda myńǵa jýyq kóshet otyrǵyzyldy.