Áýezov aýdanynyń turǵyndarymen kezdesý barysynda Almaty ákimi Erbolat Dosaev jol-kólik ınfraqurylymyn damytý jumystary týraly aıtyp berdi, dep habarlaıdy almaty-akshamy.kz.
«Eger ótken jyly aýdannyń uzyndyǵy 11,4 km bolatyn 12 kóshesine ortasha jóndeý júrgizilse, bıylǵy jyly uzyndyǵy 13,3 km bolatyn 18 kóshege ortasha jóndeý jumystary júrgizilip, Jandosov, Ótegen batyr, Seregın, Aqjaınaq, Pátnıskıı, Trýdovaıa kóshelerinde jumystar bastaldy. Aǵymdaǵy jóndeý aıasynda aýdan ákimdigi búgingi tańda 30 myń sharshy metr jol tósemi men trotýarlardy qalpyna keltirdi, jyl sońyna deıin taǵy 17 myń sharshy metr qamtylady», - dep habarlady megapolıs basshysy.
Sondaı-aq, aǵymdaǵy jyldyń qazan aıynda 5 jer ústi jaıaý júrginshiler ótkeline kúrdeli jóndeý jumystary aıaqtalady.
Jol-kólik ınfraqurylymyn damytý sheńberinde qoǵamdyq kólik jumysynyń sapasyn arttyrý maqsatynda 2024 jyly avtobýstar sanyn 343-ten 416 birlikke deıin ulǵaıta otyryp, 21 marshrýtta jyljymaly quram jańartyldy. Jalpy, Áýezov aýdanyna 85 marshrýt qyzmet kórsetedi, avtobýstardyń jelige josparly shyǵýy 1439 birlikti quraıdy, ortasha aralyǵy 8-9 mınýt.