Qala ákimi Erbolat Dosaev Áýezov aýdanyn turaqty elektrmen jabdyqtaý úshin qabyldanyp jatqan sharalar týraly aıtyp berdi.
Almaty ákimi Erbolat Dosaev Áýezov aýdanynyń turǵyndarymen ótken eseptik kezdesýde elektr jelilerin jańǵyrtý týraly aıtty, dep habarlaıdy almaty-akshamy.kz.
Osylaısha bıyl 36 km elektrmen jabdyqtaý jelileri men 79 transformatorlyq qosalqy stansıa, 5 taratý qosalqy stansıasyn jańǵyrtý aıaqtalady. Sondaı-aq, Momyshuly, Shalápın men Rysqulbekov kóshelerinde uzyndyǵy 7 km jańa elektr jelileriniń qurylysy bastaldy.
Syrtqy sapaly jaryq júıesimen qamtamasyz etý boıynsha jumys jalǵasýda: jyl basynan beri 6,5 km kabel jelileri men 806 jaryq núkteleri aýystyryldy. 2024 jyldyń sońyna deıin 310 jańa jaryqtandyrý tirekterin ornatý, 100 syrtqy jaryqtandyrýdy basqarý shkaftaryn jóndeý, 35,5 km eski kabel jelilerin jáne 1700 eski úlgidegi shamdardy jańa jaryqdıodty shamdarǵa aýystyrý josparda bar.
«Aýdandy sapaly syrtqy jaryqtandyrýmen tolyq qamtý úshin osy jyldyń naýryz aıynda syrtqy jaryqtandyrý jelileriniń ýchaskesin salýǵa 81 jobalaý-smetalyq qujattama ázirleý bastaldy. Tamyz aıynda memlekettik saraptamanyń qorytyndysyn alýdy josparlap otyrmyz. Bul atalǵan jobalardy iske asyrý aýdan aýmaǵyn 2025 jyldyń sońyna deıin 100% syrtqy jaryqtandyrýmen qamtamasyz etýge múmkindik beredi», - dep atap ótti Erbolat Dosaev.