Almaty qalasynyń Áýezov aýdanynda kóshe taǵamdary bar 4 zańsyz dúńgirshek jáne 28 sılomer joıyldy, dep habarlaıdy aqshamnews.kz
Almatynyń Áýezov aýdanynda 63 zańsyz stasıonarlyq emes saýda nysany (SESN) jáne 28 oıyn-saýyq apparaty (sılomerler) bólshektelgen. Atap aıtqanda, Jubanov pen Momyshuly kóshelerindegi samsa, pıssa jáne chebýrek satatyn 4 zańsyz dúńgirshek bólshekteldi.
Aıta keteıik, Erbolat Dosaevtyń tapsyrmasy boıynsha Almaty qalasy ákimdiginiń bastamasymen óz betinshe ornatylǵan SESN joıý naýqany aıasynda júrgizildi. Baǵdarlama osy jyldyń 15 naýryzyna deıin jalǵasady.
Esterińizge sala keteıik, 2025 jyldyń 4 aqpanynan bastap Almatyda kásipkerlik jáne ınvestısıalar basqarmasy jumys tobynyń qatysýshylarymen birlesip kóshe saýdasy obektilerin joıýǵa kiristi. Búgingi tańda memlekettik qordyń jerinde ornalasqan 302 SESN jáne 222 sılomer bólshekteldi.