2025 jyldyń eki aıynda áleýmettik ınspektorlar halyqtyń áleýmettik osal sanattarynyń quqyqtaryn qorǵaý maqsatynda 87 tekserý júrgizdi.
Onyń 62-si jospardan tys, 5-eýi profılaktıkalyq baqylaý sheńberinde, 20-sy prokýratýranyń talaby boıynsha boldy. Tekserý qorytyndysy boıynsha anyqtalǵan buzýshylyqtardy joıý týraly 34 uıǵarym berildi, shamamen 11,4 mln teńgege 44 aıyppul salyndy, dep habarlaıdy aqshamnews.kz.
Memlekettik baqylaýmen: ákimdik – 1, jergilikti atqarýshy organdardyń bólimderi men basqarmalary – 15, memlekettik mekeme – 1, aýrýhanalar, emhanalar – 5, balabaqshalar – 4, mektepter – 9, kolejder, lıseıler – 5, DK – 10, dúkender – 12, kafeler, meıramhanalar, qonaq úıler – 8, saýda úıleri – 3, polısıa pýnkti – 1, stomalogıa – 3, avtobýs parkteri, avto/temirjol vokzaldary, áýejaılar – 6, kitaphana – 1 jáne basqalar qamtyldy.
Máselen, Qostanaı oblysynda múgedektigi bar adamdardyń qoǵamdyq birlestiginiń ótinishi negizinde múgedektigi bar adamdar úshin qoljetimdiliktiń bolmaýy faktisi boıynsha jergilikti dúkenge jospardan tys tekserý júrgizildi. Tekserý qorytyndysy boıynsha sýbekt aıyppul túrinde ákimshilik jaýapkershilikke tartyldy, sondaı-aq anyqtalǵan buzýshylyqtardy joıý týraly nusqama engizildi.
Bul rette áleýmettik ınspektorlar barlyq óńirlerde múgedektigi bar adamdar úshin áleýmettik ınfraqurylymdy beıimdeýdegi oń ózgerister oryn alyp jatqanyn aıtýda. Muny erekshe qajettilikteri bar adamdar da rastaıdy.
«Sońǵy ýaqytta Qaraǵandy qalasynda, onyń ishinde Álıhan Bókeıhan aýdanynda múgedektigi bar adamdar úshin áleýmettik ınfraqurylymdy beıimdeýde alǵa jyljý baıqalady. Qala birtindep múgedektigi bar adamdar úshin qol jetimdi bola bastady: ınfraqurylym jaqsarýda, kóptegen ǵımarattar pandýstarmen jáne beıimdelgen kireberistermen jabdyqtalǵan. Oǵan mysal retinde Gennadıı Golovkın atyndaǵy dene shynyqtyrý-saýyqtyrý keshenin aıtýǵa bolady, onda kireberis jabdyqtalǵan, lıft ornatylǵan, sonyń nátıjesinde múgedektigi bar azamattarǵa sportpen shuǵyldanýǵa kóbirek oryn bólindi. Árıne, áli de birqatar jumystar jasaý qajet, biraq oń ózgerister qazirdiń ózinde baıqalady ári aldaǵy ýaqytta qol jetimdi orta qalypty jaǵdaıǵa aınalatynyna senemin», – dep atap ótti Qaraǵandy qalasynyń turǵyny, ekinshi top múgedektigi bar azamat Sergeı Harchenko.