Almatynyń Áýezov aýdanynda 14 myńǵa jýyq bala tegin shyǵarmashylyq jáne sporttyq bilimmen qamtylǵan.
Bul týraly qala basshysy Erbolat Dosaev aýdan turǵyndarymen esep berý kezdesýinde málimdedi, dep habarlaıdy almaty-akshamy.kz.
Suraq: Búdjetke jáne «Damý bala» baǵdarlamasy boıynsha qosymsha shyǵarmashylyq jáne sporttyq bilim berýdi damytýǵa qatysty
Jaýap: Qazir aýdanda 14 myńǵa jýyq vaýcher belsendi (qamtý – 13 452). 2024 jylǵa 3,1 mlrd teńge bólindi, 6 aıda 2 mlrd teńge ıgerildi, qalǵany 1,1 mlrd teńge. Bıyl jyl sońyna deıin tolyq ıgerý josparlanyp otyr.
Anyqtama úshin: 2023 jyldyń sáýir aıynda ortalyqsyzdandyrý aıasynda aýdandyq ákimdikterge «Damý bala» baǵdarlamasy boıynsha memlekettik shyǵarmashylyq jáne sporttyq tapsyrysty iske asyrý tapsyryldy. Áýezov aýdanyna 2023 jyly 13 myń balany qamtý úshin 9 aıǵa 2,5 mlrd teńge (shyǵarmashylyq tapsyrys – 1,2 mlrd teńge, sporttyq tapsyrys – 1,3 mlrd teńge) bólindi. Sonymen qatar, 2023 jyly búdjet qarajatyn únemdeýdi ıgerý maqsatynda 5 myń balaǵa vaýcher berildi. 2023 jyldyń sońynda 18 myń belsendi vaýcher boldy, osyǵan baılanysty balalardy «Damý bala» baǵdarlamasymen qamtý úshin 2024 jyly 4,8 mlrd teńgege búdjettik ótinim berildi, onyń ishinde 13 myń balaǵa 3,1 mlrd teńgege qoldaý kórsetildi.