Jyl saıyn sel qaýpi kezeńde «Qazseldenqorǵaý» mamandary Kishi jáne Úlken Almaty, Qarǵaly jáne Aqsaı ózenderiniń baseınderinde asa qaýipti muzdaq kólderdi sýdan bosatý boıynsha aldyn alý jumystaryn júrgizýde.
Muzdaq kólderden jınalǵan sýdy ózdiginen aǵyzý úshin sıfondy qubyrlar salynyp, sý aǵyzý arnalary tereńdetilip, ónimdiligi joǵary sorǵylar ornatylady, dep habarlaıdy almaty-akshamy.kz.
Tótenshe jaǵdaılar mınıstrliginiń málimetinshe, atalǵan jumystardy júrgizý úshin qala ákiminiń qoldaýymen jergilikti búdjetten, sonymen qatar 1000-nan astam metr polıetılen qubyrlaryn satyp alý jáne olardy ornatý, muzdaq kólderdiń evakýasıalyq arnalaryn tazartý jáne tereńdetý jumystaryna qarjy bólindi.
Bıylǵy jyly Almaty qalasy úshin sel qaýpin týdyratyn Kishi jáne Úlken Almaty, Aqsaı ózenderi baseınderiiń 6 asa qaýipti muzdaq kólinde (Aqsaı ózeniniń baseıninde №8, №9, №10 kólder,Úlken Almaty baseıninde: №10, № 13 kólder, Kishi Almaty: №6 kóli) sýdan bosatý boıynsha aldyn alý jumystaryn júrgizý josparlanýda.
Qaýipti muzdaq kólderdi bosatý boıynsha aldyn alý jumystary aǵymdaǵy jyldyń qyrkúıek aıynyń sońyna deıin jalǵasatyn bolady.
Sel qaýpin kúndelikti baqylaý úshin qosymsha 13 beket ashyldy, «Qazseldenqorǵaý» mekemesiniń bazasynda shuǵyl jumystardy júrgizý úshin avarıalyq brıgada quryldy (34 adam jáne 19 arnaıy tehnıka).
Sel ahýaly mınıstrdiń jeke baqylaýynda. Sonymen qatar TJM Daǵdarys jaǵdaılarynda basqarý ortalyǵynda sel ahýalyna táýlik boıy monıtorıń júrgiziledi.