Bıylǵy birinshi jartyjyldyqta temirjol kóligimen tasymaldanatyn shıkizattyq emes eksport kólemi ulǵaıdy.
Alty aıda shıkizattyq emes júkter eksportynyń kólemi shamamen 10 mln. tonnany qurady, bul 2023 jyldyń sáıkes kezeńimen salystyrǵanda 7% - ǵa artyq, dep habarlaıdy almaty-akshamy.kz Kólik mınıstrligine silteme jasap.
Atap aıtqanda, hımıalyq jáne mıneraldy tyńaıtqyshtar 11% - ǵa, tústi metaldar 9% - ǵa, qara metaldar 15% - ǵa jáne basqalar 11% - ǵa (bıdaı uny, tuz, ósimdik maıy jáne t.b) artty.
Sonymen qatar, Qytaı Halyq Respýblıkasy baǵytynda jalpy eksport belsendi túrde artyp keledi. Máselen, bıylǵy jarty jyldyń ishinde ósim 19%-dy nemese 6,8 mln tonnany qurady.
Aıta ketý kerek, memlekettik organdar deńgeıinde arnaıy shtabtar qurylyp, jumys isteıdi.
Shtabtardyń otyrysy apta saıyn ótkiziledi. Onda barlyq máseleler jedel qaralyp, sheshimin tabady.