Almaty ákimi Áýezov aýdanyndaǵy aýlalardy abattandyrý týraly aıtty.
Almatynyń Áýezov aýdanynda bıyl 120 aýla jóndeledi. Bul týraly Áýezov aýdanynyń turǵyndarymen kezdesý barysynda Almaty ákimi Erbolat Dosaev málimdedi, dep habarlaıdy almaty-akshamy.kz.
Megapolıs basshysy atap ótkendeı, 120 aýlanyń 23 - i kúrdeli jóndeý aıasynda abattandyrylady, qalǵan 97 – ine aǵymdaǵy jóndeý jumystary júrgiziledi. Bul maqsattarǵa 2,09 mlrd teńge bólindi. Jumystar qazirdiń ózinde bastalyp, aǵymdaǵy jyldyń sońyna deıin aıaqtalady.
Kúrdeli jóndeý aıasynda sporttyq jáne balalar oıyn alańdary jańǵyrtylyp, oryndyqtary men tıisti qurylǵylary bar demalys aımaqtary jabdyqtalady.
Aýlalardy abattandyrý «AlmatyBasJospar» ǵylymı-zertteý ınstıtýty ázirlep, bekitilgen ádisteme boıynsha júrgiziledi.
Áýezov aýdany halyq sany men kópqabatty turǵyn úıler sany boıynsha eń iri aýdandardyń biri bolyp tabylady. Osyǵan baılanysty aýlalardy abattandyrý jáne jańǵyrtý-basym máselelerdiń biri. Ótken, 2023 jyly aýdan ákimi Erbolat Dosaevtyń tapsyrmasy boıynsha 150-den astam aýlaǵa jóndeý jumystary júrgizildi.