Almatynyń Áýezov aýdanynda bos turǵan ýchaskede «Halyq qatysatyn búdjet» jobasy aıasynda jańa qoǵamdyq keńistik salynady. Bul týraly Áýezov aýdanynyń turǵyndarymen kezdesýde qala basshysy Erbolat Dosaev málimdedi, dep habarlaıdy almaty-akshamy.kz
Qabdolov kóshesi boıymen Saın kóshesinen Ótegen batyr kóshesine deıin jalpy uzyndyǵy 1,5 km jańa jaıaý-serýendeý aımaǵy paıda bolady. Munda trotýar aımaǵy abattandyrylyp, balalar men sport alańyna oryndyqtar men ýrnalar qoıylady. Qurylys osy jyldyń qazan aıynda aıaqtalady.
Áýezov aýdanynda «Halyq qatysatyn búdjet» jobasy aıasynda bıyl jalpy somasy 2,8 mlrd teńgege 57 joba iske asady. Atap aıtqanda, 100-den astam úıdi qamtıtyn 10 qoǵamdyq keńistik pen 47 aýla aýmaǵy jabdyqtalady.
Jalpy bıyl Almatyda «Halyq qatysatyn búdjet» jobasyna 18,8 mlrd teńge bólindi. Bul ótken jylmen salystyrǵanda 5,8 mlrd teńgege artyq. Qala turǵyndary aýlalaryn, qoǵamdyq keńistikterin abattandyryp, sport pen oıyn alańyn qurý boıynsha 364 jobany usynýǵa jáne iske asyrýǵa múmkindik aldy.