Osy aptada qalamyzda bolǵan mańyzdy jańalyqtarǵa sholý.
Muqaǵalıdy qorlaǵan bloger
Álisher Temenovke qatysty Almatydaǵy Naýryzbaı aýdandyq sotynda is qaralyp jatyr. Blogerdiń ústinen Muqaǵalı Maqataevtyń uly Juldyz Maqataev shaǵym túsirgen. Ol Temenovke qatysty Qylmystyq kodekstiń 131-baby 2-tarmaǵy "Qorlaý" faktisi boıynsha qylmystyq is qozǵaýdy suraǵan. Qylmystyq isti Almatynyń Naýryzbaı aýdandyq sotynda sýdıa Beınegúl Qaısına qarady.
"Men kúızeliske tústim, bizdiń atymyzǵa nuqsan keltirdi, moraldyq shyǵyn keltirdi. 10 mln teńge moraldyq shyǵyn ótesin. Jelide keshirim surasyn. Ary qaraı kóremiz", - dedi Juldyz Maqataev sotta.
Fýtbol oınaǵan polıseıler
QR Qorǵanys mınıstrliginiń "SSKA" stadıonynda Uly Otan soǵysyndaǵy Jeńistiń 80 jyldyǵy men Keńes Odaǵynyń Batyry Álıa Moldaǵulovanyń 100 jyldyǵyna oraı ótken týrnırge qalalyq polısıa departamentiniń túrli bólimshelerinen quralǵan 17 komanda, ıaǵnı 204 polısıa qyzmetkeri qatysty.
Týrnır qorytyndysy boıynsha jeńis tuǵyrynan JQAJ komandasy kórindi. Olar ózderiniń myqty daıyndyǵy men tózimdiligin dáleldedi. Ekinshi oryndy Áýezov aýdandyq polısıa basqarmasy ıelense, úshinshi oryn Almaly aýdandyq polısıa basqarmasyna buıyrdy.
Almatylyq jastar alǵashqy jeke kýálikterin aldy
Mamyr merekeleri qarsańynda Almaty qalasynyń kóshi-qon qyzmeti “Azamattarǵa arnalǵan úkimet” memlekettik mekemesi jáne Jetisý aýdany ákimdigimen birlesip, 16 jastaǵy qala turǵyndaryna alǵashqy jeke kýálikterdi saltanatty túrde tabystaý rásimin uıymdastyrdy.
1704 metrlik laǵman
Qazaqstan halqynyń Birligi kúni Almatynyń Jetisý aýdanynda biregeı is-shara ótti. Aınabulaq shaǵyn aýdanyndaǵy №4 mamandandyrylǵan balalar-jasóspirimder sport mektebinde el tarıhyndaǵy eń uzyn - 1704 metr bolatyn laǵman daıyndaldy jáne bul fakt Qazaqstannyń Rekordtar kitabynda resmı tirkeldi.
Bul jetistik jaı ǵana gastronomıalyq oqıǵa emes, kópultty qoǵamdaǵy birlik pen kelisimniń naǵyz sımvolyna aınaldy. 19 keli unnan qamyr ılendi, al 50 - den astam qatysýshy - aspazdar men aýdan turǵyndarynyń kúshimen taǵam eki saǵattyń ishinde daıyndaldy. Túrli etnostardyń ókilderi ortaq qazaqstandyq dastarhan úshin birlik rýhyn kórsetip, birlesip jumys istedi.
«Birligi jarasqan Almaty»
Almatyda Qazaqstan halqy Assambleıasynyń 30 jyldyǵyna oraı Qazaqstan halqynyń birligi kúni keń kólemde atalyp ótti. Basty is-shara Abaı atyndaǵy alańda, Respýblıka saraıynyń aldynda uıymdastyrylyp, myńdaǵan qala turǵyny men qonaǵy jınaldy. Kúnniń basty oqıǵalarynyń biri - 11.00-den bastalyp, 21.00-ge deıin sozylatyn konsert. Merekege qala ákimi Erbolat Dosaev qatysty.
Sahnadaǵy atmosferany qazaqstandyq estrada juldyzdary – L Duo dýeti, pıanıs Ratovich , «Dervıshı» jáne Madein KZ toptary jáne basqalar jasady. Konserttiń hedlaınerleri QR Halyq ártisi Roza Rymbaeva men Bashqurtstannan kelgen Ay Yola toby boldy.
Jármeńkede 400 tonna et pen kókónis satylady
Almaty men Almaty oblysynyń fermerleri megapolıstegi demalys kúnderi ótetin jármeńkede halyqqa 900 tonnaǵa deıin azyq-túlik taýarlaryn satýdy josparlap otyr. Olardyń ishinde: 400 tonna kókónister men jemister (kartop, sábiz, pıaz, qyryqqabat, qyzylsha, qıar, qyzanaq, alma, shalǵam, sarymsaq), 390 tonna et (sıyr eti, qoı eti, jylqy eti, shoshqa eti, taýyq eti), 50 tonna sút ónimderi (sút, aıran, qaımaq,súzbe, maı, irimshik), 30 tonna azyq-túlik (qant, tuz, kúrish, qaraqumyq, múıiz, un) jáne 30 tonna jumyrtqa, shujyq jáne bal.
Jármeńkeler 3 jáne 4 mamyrda (senbi jáne jeksenbi) saǵat 09:00-den 18:00-ge deıin qalanyń tórt aýdanynda ótedi:
Qasqabasovtyń qasqa joly
Almaty jurtshylyǵy belgili ádebıettanýshy, fólklortanýshy ǵalym, QR Memlekettik syılyǵynyń laýreaty, Ulttyq Ǵylym akademıasynyń akademıgi, fılologıa ǵylymdarynyń doktory Seıit Qasqabasovty aqtyq saparǵa shyǵaryp saldy.
Seıit Qasqabasov sanaly ǵumyryn ulttyq ádebıetti zerttep, ǵylymnyń damýyna úles qosyp, júzdegen shákirt tárbıelegen akademık, qazaq ádebıeti men fólklortaný ǵylymynda tereń iz qaldyrǵan biregeı ǵalym.
Jazdyń sáni – sýburqaq
1 mamyrdan bastap Almatyda sýburqaqtar maýsymy resmı túrde bastalady. Olar kún saıyn saǵat 08:00-den 23:00-ge deıin jumys isteıdi. Olardyń jumysy 1 qazanǵa deıin sozylady. Bul rette, qoldanystaǵy erejelerge sáıkes +5°C tómen temperatýrada sýburqaqtardy paıdalanýǵa tyıym salynady. Osy maýsymda 56 komýnaldyq sýburqaq kesheni iske qosylady, onyń 11-i «qurǵaq».
Saqtansań, saqtarmyn!
30 sáýir kúni saǵat 11:00-de Almaty qalasynda sırenalar qosyldy, jalpyqalalyq josparly seısmıkalyq jattyǵý ótkizildi.
«Barshanyń nazaryna!!!» dybystyq sıgnaly – bul tótenshe jaǵdaı qaýpi nemese týyndaǵan jaǵdaıda halyqtyń nazaryn aýdarý úshin beriletin eskertý sıgnaly.