Jańbyr jaýyp, naızaǵaı oınaıdy, sondaı-aq qatty jel turady dep boljandy.
Sınoptıkter aldaǵy jeti kúnge aldyn ala jasalǵan aýa raıy boljamyn usyndy, dep habarlaıdy Almaty-akshamy.kz
"Qazgıdromet" RMK-nyń Almaty jáne Almaty oblysy boıynsha fılıaldarynyń jetekshi ınjener-sınoptıgi Dáýlet Kisebaevtyń aıtýynsha, 2024 jylǵy 15-21 maýsym aralyǵynda Almatyda jańbyr jaýyp, naızaǵaı oınaıdy, jel ekpin alady, aýa raıy qubylmaly bolady. Kelesi aptanyń ortasynda kúndiz kún kúrkirep, naızaǵaı jarqyldap, qatty jel turady dep boljanady. Bul jaǵdaıda aýa temperatýrasy tómendeıdi.
15 maýsym: aspan bultty, kúndiz arakidik jańbyr jaýady, naızaǵaı oınap, kún raıy buzylady. Soltústik-shyǵystan soqqan jeldiń ekpini - 3-8 m/s, naızaǵaı kezindegi ekpini - 15 m/s. Aýa temperatýrasy túnde: +14...+16°S, kúndiz: +26...+28°S.
16 maýsym: aspan bultty, kún raıy jaýyn-shashynsyz. Aýa temperatýrasy túnde: +17...+19°S, kúndiz +30...+32°S.
17 maýsym: aspan bultty, kún raıy jaýyn-shashynsyz. Shyǵystan soqqan jeldiń ekpini - 3-8 m/s. Aýa temperatýrasy túnde: +18...+20°S, kúndiz: +30...+32°S.
18 maýsym: aspan bultty, kúndiz arakidik jańbyr jaýady, naızaǵaı oınaıdy. Ońtústik-shyǵystan soqqan jeldiń ekpini - 3-8 m/s, naızaǵaı kezindegi ekpini - 18 m/s. Aýa temperatýrasy túnde: +19...+21°S, kúndiz: +31...+ 33°S.
19 maýsym: aspan bultty, kúndiz qatty jańbyr jaýyp, naızaǵaı oınaıdy, burshaq túsedi. Ońtústik-batysqa ońtústik-shyǵystan oıysa soqqan jeldiń ekpini - 3-8 m/s, naızaǵaı kezindegi ekpini - 18 m/s. Aýa temperatýrasy túnde: +18...+20°S, kúndiz: +27...+29°S.
20 maýsym: aspan bultty, túnde azdap jańbyr jaýady, naızaǵaı oınaıdy. Ońtústik-batystan, batystan soqqan jeldiń ekpini - 3-8 m/s, naızaǵaı kezindegi ekpini - 13 m/s. Aýa temperatýrasy túnde: +14...+16°S, kúndiz: +25...+27°S.
21 maýsym: aspan bultty, kún raıy jaýyn-shashynsyz. Túnde aýa temperatýrasy: +14...+16°S, kúndiz: +26...+28°S.
Buǵan deıin sınoptıkter demalys kúnderi Qazaqstannyń basym bóliginde aptap ystyq bolatynyn boljaǵan.