Almatyda «Jańa Almatyny» damytýdyń 2020-2024 jyldarǵa arnalǵan Keshendi josparyn talqylaý boıynsha «dóńgelek ústel» ótti. Alataý aýdany ákiminiń orynbasary Ádilet Toqtasynovtyń málimetinshe, 2024 jylǵa qaraı aýdanda ınjenerlik jeliler máselesi tolyǵymen sheshiletin bolady dep habarlaıdy almaty-akshamy.kz
Ádilet Toqtasynovtyń aqparaty boıynsha, qazirgi ýaqytta Alataý aýdanyndaǵy 28 655 turǵyn úı, bul 75% ortalyq sýmen jáne 25 364 úı nemese 67% sý burýmen qamtamasyz etilgen.
«2019-2020 jyldary Almaty ákimi Baqytjan Saǵyntaevtyń tapsyrmasy boıynsha ınjenerlik jelilerdiń qurylysy bastaldy. Qazirgi ýaqytta Shańyraq-1, Alǵabas, Áıgerim-1,2, Uljan-1, Qarasý, Shapaǵat, Boraldaı shaǵyn aýdandarynda jumystar júrgizilýde. Búgingi kúni Terekti, Rahat-Mádenıet shaǵyn aýdandarynda jeliler qurylysyna JSQ ázirlendi. Boraldaı jáne Shapaǵat shaǵynaýdandarynyń úılerine deıin jetkizýmen taratý jelileriniń qurylysyna jobalardy ázirleý bastaldy», - dep habarlady Ádilet Toqtasynov.
Saıaly, Bolashaq, Alǵabas, Kók-Qaınar, Shańyraq-5 jáne Aqbulaq shaǵyn aýdandarynda ınjenerlik jeliler qurylysyna JSQ qosymsha ázirleý qajet. Búginde aýdanda 18 kárizdik sorǵy stansıasynyń qurylysy aıaqtalýǵa jaqyn.
Ádilet Toqtasynovtyń málimetinshe, barlyq jobalar sátti júzege asqan jaǵdaıda 2024 jylǵa qaraı ınjenerlik jelilermen problemalardy 100 paıyz sheshý boljanýda.
Alataý aýdany ákiminiń orynbasary Ótken jyly «AJK» ınvestısıalyq baǵdarlamasy boıynsha 10 shaǵyn aýdanda elektr jelilerin qaıta qurý júrgizilgenin habarlady. Bıyl taǵy 13 shaǵyn aýdandaǵy jeliler jóndeledi. Qazirgi ýaqytta Alǵabas, Terekti shaǵyn aýdandarynda jáne ishinara Shańyraq-5, Áıgerim-1 jáne Shańyraq-2 shaǵyn aýdandarynda elektr jelilerin rekonstrýksıalaý jumystary júrgizilýde.
Jol jelisin damytý mańyzdy bolyp tabylady. Á. Toqtasynovtyń aıtýynsha, joldardyń sapasy men qala turǵyndarynyń mobıldiligin arttyrý – «Jańa Almaty» DKJ basym baǵyttarynyń biri.
«2019 jáne 2020 jyldary Alataý aýdanynyń 13 shaǵyn aýdanynda jańa joldar salyndy, olardyń jalpy uzyndyǵy 119 km. Shańyraq-2, AZTM-Alǵabas, Tomırıs, Uljan-1,2, Kók-Qaınar, Qarasý jáne Ójet shaǵyn aýdandarynda uzyndyǵy 76 km 101 kóshe ortasha jóndeldi», - dep atap ótti aýdan ákiminiń orynbasary.
Bıyl Samǵaý shaǵyn aýdanynda 4,6 km jol qurylysy aıaqtaldy, Shańyraq-5-te 6,6 km jol salyndy, Ójet shaǵyn aýdanynda 11,2 km jáne Alǵabas shaǵyn aýdanynda 31 km-den astam jol qurylysy boıynsha jumystar jalǵasýda. Aıta keterligi, bıyl Alǵabas shaǵyn aýdanynda 10 km jańa jol salynady.
Ádilet Toqtasynov Alataý aýdanynda 26 kóshede 45 km joldy ortasha jóndeý josparlanǵanyn atap ótti. Onyń ishinde Soltústik aınalym magıstraldy kósheleri boıynsha (Bókeıhanov kóshesinen Jumabaev kóshesine deıin) – 2,1 km, Rysqulov dańǵyly (Saın kóshesinen Emsov kóshesine deıin) – 1,8 km, Rysqulov dańǵyly (Emsov kóshesinen Kýderın kóshesine deıin) – 2 km, Boraldaı kóshesi (Shoseınaıa kóshesinen Boraldaı kóshesine deıin) – 2 km, Emsov kóshesi (Raıymbek dańǵylynan Rysqulov – Emsov dańǵylyna deıin) – 0,3km. Magıstraldy kósheler boıynsha jalpy uzyndyǵy – 8,4 km.
Búginde uzyndyǵy 39,3 km 20 kósheniń joldaryn ortasha jóndeý jumystary aıaqtaldy. Osy tizimde Serikov, Kishi Móńke bı, Jańaarqa, Taıqazan, Halıfa Altaı, Karpatskaıa, «Radýga» ST, Zarechnaıa, Imanov, Seıtov, Daıyrov, Balpyq bı, Ǵalıeva, Qojabergen jyraý, Tamǵaly, Táńirtaý, Myńbulaq, Súmbil, Voıkov, Kıslovodskaıa kósheleri bar.
Budan basqa, aýdanda jaıaý júrginshiler ınfraqurylymy salynýda, segiz shaǵyn aýdanda 20 km astam trotýar salý jumystary aıaqtaldy.