Qazaqstanda páter jaldaý quny bir jylda 18,5% ósken
2021 jyldyń qazan aıynda jalǵa beriletin turǵyn úı quny 2020 jyldyń sáıkes kezeńimen salystyrǵanda rekordtyq 18,5 % artty. Bir jyl buryn baǵanyń ósýi 9,8 % boldy, dep habarlaıdy Almaty-akshamy.kz QazAqparatqa silteme jasap.
EnergyProm zertteý agenttiginiń málimetinshe, Almaty oblysynda páterdi jaldaý baǵasy – 4,2%-ǵa, Batys Qazaqstanda – 37,4%, Almatyda – 35% jáne Shymkentte –33,8% ósken. Qyrkúıekte páterdi jaldaý baǵasy 1,1% qymbattaǵan. Baǵa negizinen shilde aıynda anaǵurlym kóterilip, 4,2% deıin artty. Qyrkúıekte el boıynsha jalǵa beriletin páterdiń bir sharshy metri orta eseppen 1877 teńge bolǵan. Degenmen, iri qalalarda bir sharshy metrdiń quny 3 myń teńgeden asyp ketken.
Máselen, Nur-Sultanda bir sharshy metr – 3443 teńge bolsa, Almatyda – 3062 teńge, Aqtaýda – 2359 teńge, Túrkistanda – 2307 teńge bolǵan. Elimiz boıynsha Tarazda páterdi arzanǵa jaldaýǵa bolady, onda jalǵa beriletin páterdiń bir sharshy metri – 1370 teńge, Qyzylordada – 1398 teńge jáne Semeıde – 1452 teńge.