Almatynyń bilim berý uıymdarynda jańa sport alańdary modernızasıalanýda ári salynýda. Bul salaýatty ómir saltyn qalyptastyrý, balalardyń sportpen shuǵyldanýyna jaqsy jaǵdaı jasaý jáne jalpy olardyń dene shynyqtyrýmen qamtylýyn arttyrý maqsatynda jasalady, dep habarlaıdy almaty-akshamy.kz
Búginde búdjet esebinen qalanyń 46 mektebinde sport alańdary modernızasıalandy. 2021 jyly 31 mektepte, 2022 jyly 15 mektepte modernızasıalaý júrgizildi. Aǵymdaǵy jyly sport alańdaryn modernızasıalaý 19 mektepte júrgizilýde, onyń 6- da jumystar aıaqtaldy.
Modernızasıalaý barysynda fýtbol, basketbol, voleıbol alańdary, workout-aımaqtar jańadan salynady, júgirý joldarynyń rezeńke jabyny, basketbol qalqandary, voleıbol tirekteri, fýtbol qaqpalary, gımnastıkalyq qurylymdar men oryndyqtar jańardy.
Árbir sport alańy boıynsha jeke esepteýler júrgizilip, eskızdik jobalar ázirlendi. Mektep janyndaǵy sport alańdarynyń geografıalyq erekshelikteri men tehnıkalyq múmkindikteri eskerildi.
Osylaısha, Almaty ákimdigi QR Úkimetiniń «Deneshynyqtyrý men buqaralyq sportty damytýdyń 2025 jylǵa deıingi Keshendi josparyn bekitý týraly» qaýlysyn iske asyrady.