Almatyda taǵy 102 kásipker zalal ótemaqysyn aldy
Bul týraly Almaty qalasy kásipkerlik jáne ınvestısıalar basqarmasynan málim etti, dep habarlaıdy Almaty-akshamy.kz QazAqparatqa silteme jasap.
Almatyda bıznes sýbektilerine múliktik zıandy anyqtaý jónindegi óńirlik komısıasy jalpy somasy 188,6 mln teńgege kásipkerlerdiń 102 ótinimin maquldady. Onyń ishinde 55,2 mln teńge somasyna berilgen 32 ótinim búdjet qarajaty esebinen, qalǵan 133,4 mln teńgeniń 70 ótinimi «Jańa Alataý» qaıyrymdylyq qorynyń qarajatynan qarjylandyryldy.
Aıta keteıik, komısıa jumysynyń barlyq kezeńinde búgingi tańda 644,9 mln teńge somasyna berilgen 362 ótinim maquldandy, onyń ishinde 212,4 mln teńgege berilgen 140 ótinim búdjet qarajatynan, 432,5 mln teńgege berilgen 222 ótinim qor qarajatynan qarjylandyrýǵa ıe boldy.
«Zardap shekken shaǵyn jáne orta bıznes sýbektilerinen ótinimder túsý jalǵasýda, Info Kazakhstan saıtyna Almaty qalasy kásipkerlerinen barlyǵy 2 myńǵa jýyq ótinim kelip tústi»,- dep málimdedi basqarmada.