1 naýryz ben 1 sáýir aralyǵynda Almatyda «Taza Qazaqstan» baǵdarlamasy aıasynda «Almaty – bizdiń ortaq úı̆imiz» aýqymdy naýqany ótedi. Naýqan maqsattarynyń biri - ekologıalyq mádenıetti arttyrý jáne qala turǵyndary arasynda qorshaǵan ortaǵa uqypty qaraýdy qalyptastyrý, dep habarlaıdy aqshamnews.kz
Naýqan tórt taqyryptyq apta boı̆ynsha ótedi, olar:
* «Taza kósheler» (1-9 naýryz) - aıaldamalardy, jol belgilerin tazartý,qoqys jáshikterin ornatý, magıstraldardy abattandyrý;
* «Taza saıabaqtar, skverler men taýlar» (10-16 naýryz) - tabıǵı aı̆maqtardaǵy senbilikter jáne qoqys jınaý jumystary;
* «Taza aýlalar» (17-23 naýryz) - aýla aýmaqtaryn, balalar jáne sport alańdaryn, abattandyrý elementterin jınaý jáne syrlaý, kógaldandyrý, «Úzdik aýla/aýla sypyrýshy/aýla janyndaǵy baý-baqsha konkýrstary;
* «Bizdiń qala – bizdiń maqtanyshymyz» (24 naýryz–1 sáýir) eskertkishterdi abattandyrý jáne aǵashtardy jappaı̆ otyrǵyzý.
«Ótken jyly bastalǵan ekologıalyq bastamalardy jalǵastyra otyryp, biz birge qalamyzdy taza ári jaı̆ly etýge tyrysamyz. 2024 jyly Almatyda abattandyrýdyń jańa erejeleri bekitildi, onyń aıasynda 6 myńnan astam kásipkerlik obektileri úshin abattandyrý pasporttarynyń júı̆esi engizildi. Búgingi tańda 4918 pasport resimdeldi, bul josparlanǵannyń 82%-yn quraı̆dy. Pasporttaý qasbetterdi, trotýarlardy, jasyl aı̆maqtardy jáne basqa da obektilerdi qosa alǵanda, irgeles aýmaqtar úshin jaýapkershilikti bekitýge múmkindik beredi», - dedi Almaty ákiminiń orynbasary Beı̆bit Shahanov.
Naýqan aıasynda 600-den astam zańsyz stasıonarlyq emes saýda nysandaryn (SESN) bólshekteý, 1 sáýirge deı̆in vandalǵa qarsy 12 myń ýrna ornatý, 4020-dan astam aýlany abattandyrý, 445 saıabaq pen gúlzardy, ózender men kólderdiń jaǵalaýlaryn tazalaý, sondaı̆-aq 5 myń aǵash pen buta otyrǵyzý josparlanǵan.
«Qurmetti turǵyndar! «Almaty-bizdiń ortaq úı̆imiz», al árbir úı̆ taza ári jaı̆ly bolý kerek. Sizderdiń árqaı̆sylaryńyzdy qoqystardy tazalaýǵa, tabıǵatty qorǵaýǵa jáne tazalyqty saqtaýǵa shaqyramyn. Bizdiń naýqanǵa qosylyńyz! Bizdiń qala barlyǵyna úlgi bolsyn! Almatyǵa degen qamqorlyǵyńyz ben súı̆ispenshiligińiz úshin rahmet!», - Almaty ákiminiń orynbasary Álisher Ábdiqadyrov osylaı̆sha almatylyqtardy qalany tazartýǵa belsendi túrde qatysýǵa shaqyrdy.
Barlyq tolyq aqparat Almaty.kz saı̆tynda jarıalanatyn bolady