Osylaısha, jergilikti atqarýshy organdar Jasyl Almaty-nyń 1 mıllıon aǵash otyrǵyzý aksıasyn aıaqtaıdy. Almaty óńirlik komýnıkasıalar qyzmetinde ótken brıfıń barysynda Jasyl ekonomıka basqarmasy basshysynyń mindetin atqarýshy Serik Ádilbaev búginde megapolıste 705 myń kóshet otyrǵyzylǵanyn atap ótti, dep habarlaıdy Almaty-akshamy.kz.
Eske salsaq, Qazaqstan Prezıdenti Qasym-Jomart Toqaev óz Joldaýynda eldi kógaldandyrýdyń aýqymdy baǵdarlamasyn bastaýdy tapsyrǵan bolatyn.
"Bıyl bizde 350 myń jasyl jelek otyrǵyzý jospary bar, onyń ishinde 72 346 kóshet otyrǵyzyldy. Jalpy, osy ekpeler esebinen 1 mıllıon aǵash otyrǵyzý arqyly Jasyl Almaty aksıasyn aıaqtaýdy josparlap otyrmyz", - dedi Almaty qalasy Jasyl ekonomıka basqarmasy basshysynyń mindetin atqarýshy S. Ádilbaev.
Spıker Almatynyń Jasyl ekonomıka basqarmasynyń aldynda qalalyq ekojúıeni biriktiretin jáne bıoártúrlilikti qoldaıtyn qalanyń "jasyl jelisin" qurý boıynsha mańyzdy mindet turǵanyn atap ótti. Sondyqtan aǵash otyrǵyzý 2022 jyldyń kúzinde jalǵasady. Taǵy 277 654 jas kóshet otyrǵyzý josparlanýda.
Almaty qalasy Jasyl ekonomıka basqarmasy basshysynyń mindetin atqarýshy magıstraldy joldar, jolaıryqtar, temirjoldar boıynda, kóp páterli turǵyn úı keshenderiniń aýmaqtarynda, ózen jaǵalaýlarynda, saıabaq jáne sanıtarlyq-qorǵaý aımaqtarynda aǵash otyrǵyzylatynyn habarlady.
"Aǵash otyrǵyzý kezinde dendrolog ǵalymdardyń usynymdary eskerildi, olar kádimgi qaraǵaı, qazaqstandyq terek, usaq japyraqty qaraǵaı, qaıyń, shaǵan, jalǵan akasıa, súıir japyraqty úıeńki, kashtan, robınıa, jalǵan akasıa, kópirshik, dolana, alma, órik otyrǵyzýdy usynady", - dep atap ótti S. Ádilbaev.
Spıkerdiń aıtýynsha, qalada Almaty turǵyndaryna kóshetterdi tegin taratý boıynsha "Jasyl aýla" aksıasy jalǵasady. Kúzde megapolıs turǵyndaryna 2 myńǵa jýyq kóshet taratý josparlanýda.
Sondaı-aq, S. Ádilbaev Almatyny gúl kompozısıalarymen jáne gúlzarlarmen bezendirý jumystary týraly da aıtyp berdi.
"Birjyldyq jáne kópjyldyq gúlzarlardy otyrǵyzý 2023 jylǵa deıin jalǵasady. Jalpy somasy 2,1 mlrd teńgege merdigerlik uıymdarmen 10 shart jasaldy. Gúl otyrǵyzý sáýir aıynda bastaldy, óıtkeni bul kezeń eń qolaıly. Sándik-gúlmen kógaldandyrýdyń jalpy kólemi shamamen 159 myń sharshy metrdi quraıdy", - dedi spıker.
Budan basqa, ótken jyldardyń kópjyldyq ósimdikterine kútim jasaý, sondaı-aq 26 myń sharshy metr alańǵa kógal egý josparlanǵan.
Almatyda kolambýs, abba, dınastı, strong gold, lalıbella, láp top jáne t.b. gúlderdi otyrǵyzý 10 mamyrǵa deıin megapolıstiń segiz aýdanynda jalǵasady.