Almatyda Pfizer kompanıasynyń Comirnaty preparatymen 13 248 adam vaksınalandy
Ujymdyq ımýnıtetti qalyptastyrý úshin búgingi 56,5%-dyq kórsetkish jetkiliksiz dep esepteıdi Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova, sondyqtan vaksınasıalaý óte mańyzdy. Óńirlik komýnıkasıalar qyzmetinde ótken brıfıńte ol megapolıste vaksınalaýdyń 132 pýnktinde barlyq tilek bildirýshilerdiń tegin egiletinin eske saldy, dep habarlaıdy Almaty-akshamy.kz
«Búginde biz ujymdyq ımýnıtet deńgeıiniń 56,5%-yna jettik, ol vaksınalanǵandardyń 48,4%-ynan jáne aýyryp jazylǵan adamdardyń 8,1%-ynan turady. Bul rette vaksınasıadan keıin syrqattanǵandardyń úles salmaǵy egý naýqany bastalǵannan beri nebári 0,3 %-dy – 3151 adamdy qurady», - deıdi Á. Qalyqova.
Al aýrýdyń jańa aýyr kóterilýiniń aldyn alý úshin vaksınalaý arqyly, onyń ishinde 9 aı nemese alty aı buryn vaksınalanǵan adamdar úshin qaıtalanýy múmkin.
Spıkerdiń aıtýynsha, ótken aptada juqtyrǵandardyń negizgi úlesin (78%) 20-39 jastaǵy azamattar – 27,9%, 40-59 jastaǵy azamattar – 27,6%, 60 jáne odan joǵary jastaǵy adamdar – 22,3% quraıdy. 14 jasqa deıingi balalar arasynda juqtyrýdyń úles salmaǵy (124 jaǵdaı) - 16%-ǵa deıin ósti, onyń ishinde 1 jasqa deıingi balalar (21 jaǵdaı) - 2,7%.
Vırýs juqtyrǵandardyń ishinde: ózin-ózi jumyspen qamtyǵan jáne jumys istemeıtin azamattar – 26,1%, zeınetkerler – 21,2%, uıymdar, JSHS, JK qyzmetkerleri – 20,3%, oqýshylar – 13,1%.
Uıymdastyrylmaǵan balalar arasynda juqpanyń ósýi baıqalady – 5%-ǵa deıin, stýdentter – 3,4%-ǵa deıin, bankter men saqtandyrý kompanıalarynyń qyzmetkerleri – 2,8%-ǵa deıin jáne áskerı qyzmetshiler – 1,3%-ǵa deıin. Halyqtyń qalǵan sanattary 1% sheginde.
Ótken aptada negizgi juqtyrý oryndary (91%) saýda obektileri – 35%, qoǵamdyq kólik – 30%, otbasylardaǵy baılanystar – 16% jáne bazarlar – 10% bolyp tabylady.
Qoǵamdyq densaýlyq basqarmasynyń málimetinshe, 2021 jyldyń 1 aqpanynan 29 qarashasyna deıingi aralyqta İ komponentpen 1 035 512 adam, II komponentpen 968 966 adam vaksınasıalandy. 60 jastan asqandar arasynda vaksınalanǵandar sany 122 205.
Búginde Almatyda Pfizer kompanıasynyń Comirnaty preparatymen 13 248 adam vaksınalandy, onyń ishinde júkti áıelder – 795, bala emizetin áıelder – 2 803, balalar men jasóspirimder – 9 650.