«Omıkron» aldyńǵy nusqalardan kóptegen jańa mýtasıalarmen erekshelenedi.
Almaty qalasy Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova Óńirlik komýnıkasıalar qyzmetiniń brıfıńinde koronavırýstyń jańa «omıkron» shtamy aýyr zardaptarmen derttiń jańadan órshýine ákelýi múmkin ekenin aıtty, dep habarlaıdy Almaty-akshamy.kz
Ásel Qalyqova megapolıs «jasyl» aımaqta ornalasqanyna qaramastan, sońǵy aptada koronavırýstyq ınfeksıanyń 641 jaǵdaıy tirkelgenin habarlady. Ótken táýlikte – 34 juqtyrý jaǵdaıy.
Spıker búkil álemde epıdemıologıalyq jaǵdaı nasharlap, qatań karantın rejımi qaıta engizilgenine nazar aýdardy. Ońtústik Afrıkadaǵy COVID-19 deltasynyń jańa, qaýipti «omıkron» mýtasıasynyń paıda bolýy týraly DDU-nyń resmı málimetteri bar. Ol patogendi jáne juqpaly «delta» nusqasynan asyp túsedi jáne organızmdegi antıdenelerdi aınalyp ótýge qabiletti.
«Sondyqtan halyqty, ásirese, qarttardy, sozylmaly aýrýlary bar adamdardy, jasóspirimderdi, júkti áıelderdi vaksınalaýdy ulǵaıtý qajet. Almatynyń barlyq turǵyndary elde «omıkron»shtammnyń paıda bolýyna jáne taralýyna jol bermeý úshin, ásirese, demalys jáne mereke kúnderi adamdar kóp jınalatyn oryndardan aýlaq bolýlaryna kúsh salý qajet», - dedi Ásel Qalyqova.
Maman «omıkron» jaǵdaılary Afrıkanyń 8 elinde (OAR, Botsvana, Lesoto, Namıbıa, Zımbabve, Mozambık, Esvatını, Tanzanıa), sondaı-aq Belgıada, Izraılde, Gonkongta, Germanıada, Chehıada jáne Ulybrıtanıada tirkelgenin aıtty.
«Omıkron» aldyńǵy nusqalardan kóptegen jańa mýtasıalarmen erekshelenedi. Onyń Qazaqstanǵa ákelinýine jol bermeý maqsatynda vedomstvoaralyq komısıa 3 jeltoqsannan bastap Botsvana, OAR, Lesoto, Namıbıa, Zımbabve, Mozambık, Malavı, Madagaskar, Esvıtını, Tanzanıa jáne Gonkongtan shetel azamattarynyń Qazaqstanǵa kirýin shekteý týraly sheshim qabyldaǵany belgili boldy.
«Omıkronǵa» qatysty KVI jaǵdaılary anyqtalǵan elderden kelgen adamdar, PTR nátıjesine qaramastan, 7 kúnge oqshaýlanýy tıis. Mysyrmen áýe qatynasyn toqtata turý týraly sheshim qabyldandy.