Almatyda polısıa qyzmetkerleri mektep oqýshylaryn buzaqylyq jasamaýǵa shaqyrady
5-11-synyp oqýshylarymen jospardan tys kezdesýge taıaýda oryn alǵan jasóspirimderdiń óreskel tártip buzý faktileri sebep bolǵan, dep habarlaıdy Almaty-akshamy.kz Polisia.kz-ke silteme jasap.
«Másele qoǵamdyq kóliktiń tóbesinde jastardyń otshashýdy qoldanǵan zańsyz epızodtary, sondaı-aq 12-13 jastaǵy balalar ózderiniń buzaqylyq nıetimen birneshe qoǵamdyq kóliktiń terezelerin syndyrǵan oqıǵasy týraly bolyp otyr. Onyń ústine olardyń eshqaısysy is-áreketteriniń saldary týraly oılaǵan joq. Adamdar zardap shegýi múmkin edi. Dárister barysynda jasóspirimderge ákimshilik jáne qylmystyq zańnama normalary túsindirildi jáne oı eleginen ótpegen, buzaqylyq áreketterdiń saldary da aıtyldy. Óıtkeni, árbir adam jasyna qaramastan, jasaǵan áreketine jaýapty bolýy kerek», – dedi Almaty qalalyq PD Jergilikti polısıa qyzmeti basqarmasynyń bastyǵy Manap Sattarov.
Baıandamashy sondaı-aq, nazar aýdararlyq erekshelikti atap ótti. Buzaqylyq áreketter nazar aýdarý (haıp), qanaǵattaný, basqalardyń qadir-qasıetin elemeý arqyly ózin-ózi rastaý, ádeıi dórekilik pen qatygezdik arqyly qoǵamdy synaýǵa umtylýmen sıpattalady.