Bul oqytýdyń maqsaty halyqtyń quqyqtyq saýattylyǵyn arttyrý jáne olardy tutynýshylardyń zańdy quqyqtaryna úıretý bolyp tabylady. Bul týraly Almatynyń óńirlik komýnıkasıalar qyzmetiniń brıfıńinde joba jetekshisi, "Janashyr" halyqaralyq qoǵamdyq qorynyń prezıdenti Jańyl Ápetova málimdedi, dep habarlaıdy almaty-akshamy.kz.
Almaty qalasy Qoǵamdyq damý basqarmasynyń Memlekettik áleýmettik tapsyrysy negizinde jáne Almaty qalasy boıynsha saýda jáne tutynýshylardyń quqyqtaryn qorǵaý Departamentiniń basshylyǵymen "Jańashyr" halyqaralyq qoǵamdyq qory "Tutynýshylardyń quqyqtaryn qorǵaý salasynda azamattardy oqytý jáne úıretý" jobasyn iske asyrýda.
"Aǵymdaǵy jyldyń sońyna deıin jalǵasatyn bul joba aıasynda joǵary oqý oryndarynyń stýdentteri arasynda, qalanyń saýda núkteleri men mekemelerindegi tutynýshylar arasynda oqytý jumystary júrgizilýde. Instagram, Facebook, Telegram áleýmettik jelilerinde "Tutynýshy-Potrebıtel" aqparattyq akkaýnttary belsendi jumys isteıdi", – dedi Jańyl Ápetova.
Azamattardyń suraqtary men shaǵymdary úshin WhatsApp nómiri bar: +7 700 862 8454 .
Almaty qalasynyń saýda oryndarynda tutynýshylardyń quqyqtaryn qorǵaý salasyndaǵy jańa zańnama boıynsha keńes beretin mobıldi zań qyzmeti jumys isteıdi.
"Sapaly ónim" jobasynyń negizgi maqsaty ishki naryqta azyq-túlik ónimderiniń qaýipsizdigin qamtamasyz etý bolyp tabylady, al jańa zańnama qoǵamnyń ómir súrý sapasyn jaqsartýǵa jáne tutynýshylardyń quqyqtaryn qorǵaý máselelerinde úkimettik emes ınstıtýttardyń rólin nyǵaıtýǵa baǵyttalǵan.
"Joba bastalǵannan beri Almaty qalasynyń 8 aýdanynyń saýda oryndarynda 500-ge jýyq adam keńes aldy, 50-den astam adam óz suraqtarymen júgindi, 20-dan astam adam WhatsApp nómirine jazdy. Álbette, bizde áli saýda mádenıeti qalyptaspaǵan jáne tutynýshylardyń quqyqtyq saýattylyǵy damymaǵan. Sondyqtan joba aıasynda biz azamattardyń quqyqtyq saýattylyǵyn arttyrýǵa barynsha kúsh salamyz. Biz qala turǵyndaryn ózderi úshin jasalǵan jaǵdaıdy paıdalanýǵa jáne belgilengen zańdardy saqtaýǵa shaqyramyz. Óz quqyqtaryńyzdy bilý jáne ýaqtyly qoldaný aldanyp qalýdan saqtaıdy. Tutynýshy retinde sizdiń quqyqtaryńyz qorǵalǵanyn atap ótý mańyzdy", - dedi J.Apetova.
Onyń pikirinshe, adamı kapıtal memlekettiń negizgi resýrsyn bildiredi. Ony nyǵaıtý týraly aıtqan kezde osy kapıtalǵa qajetti ınvestısıalardy eskerý qajet.
Qorshaǵan orta adam úshin mańyzdy ról atqarady, sondyqtan qoǵamnyń árbir múshesi quqyqtyq saýattylyqqa ıe bolýy jáne tutyný quqyǵyn qorǵaýǵa jaýapty bolýy kerek. Bul ómir súrýge jáne jumys isteýge qolaıly jaǵdaı jasaıdy.
"Aýdan basshylarynan bastap saýda núkteleri men joǵary oqý oryndaryna deıingi ártúrli deńgeıdegi basshylar tutynýshylardyń quqyqtaryn qorǵaýǵa múddeli úkimettik emes uıymdardyń jumysyn belsendi qoldaýǵa tıis. Tek osy jaǵdaıda ǵana nátıjeler múmkindiginshe ónimdi bolady. Ejelgi dáýirde de, órkenıet damı qoımaǵan kezde, saýda qatynastarynda tutynýshylardyń quqyqtaryn qorǵaýǵa basa nazar aýdarylǵan", – dep sanaıdy ol.
Tarıhı derekter tutynýshylardyń quqyqtary qoǵamda árqashan mańyzdy ról atqarǵanyn kórsetedi. Tutynýshylardy quqyqtyq qorǵaý ejelden qalyptasqan jáne órkenıet damýynyń ajyramas bóligi bolyp tabylady.
Búgingi tańda halyqaralyq Tutynýshylar odaǵy álemniń kóptegen elderindegi tutynýshylardyń quqyqtaryn qorǵaý uıymdaryn biriktiredi. Tutynýshylardyń habardarlyǵyna, qaýipsizdigine, tańdaýyna mán beriledi.
ÓKQ spıkeri bizdiń elimiz de azamattyq qoǵam men quqyqtyq memleket qalyptastyrý boıynsha jumys istep jatqanyn atap ótti. Azamattardyń quqyqtyq mádenıetiniń deńgeıi neǵurlym joǵary bolsa, quqyqtyq normalar soǵurlym jaqsy saqtalady. Jáne olardy júzege asyrý tıimdirek bolady.
"Damyǵan memlekettiń azamaty" zańdardy qatań saqtaý kerek, óıtkeni bul meniń ómirim úshin jáne qoǵamnyń damýy úshin mańyzdy"degen qaǵıdany túsinedi. Jalpy, óz quqyǵy týraly habardar tutynýshy bolyńyz! Tutynýshylardyń quqyqtary bizdiń elde keń taralýy úshin osy quqyqtardy zertteý, olardy qoldana bilý, ózińizdi qorǵaý jáne qajet bolǵan jaǵdaıda dostaryńyz ben jaqyndaryńyzǵa kómektesý qajet. Tutynýshy óz quqyqtaryn neǵurlym jaqsy túsinse, onyń óz múddelerin zańdy qorǵaýǵa múmkindigi soǵurlym joǵary bolady. Tutynýshylardyń quqyqtary mańyzdy jáne olardy saqtaý qoǵamdaǵy ádilettilik pen jaýapkershilikti damytýǵa yqpal etetinin este ustaǵan jón", – dep qorytyndylady Jańyl Ápetova.