Almaty turǵyndary qalaǵa aǵash qońyzdarynyń qaptap ketkenine shaǵymdandy, - dep habarlaıdy Almaty-akshamy.kz.
35 jastaǵy Roman Bekkerdiń aıtýynsha, ol Atakent aýdanyndaǵy kópqabatty úıde turady eken. Sońǵy aptada bul jándikterdi ár qadam saıyn kóretin bolǵan. Mundaıdy ol qalada ómirinde birinshi ret kórip tur eken.
«Keshke kez kelgen aǵashtyń túbinde turyńyz, sonda 10-15 aǵash qońyzdary basyńyzǵa túsedi. Keshe men Abaı-Masanchı aýdanynda boldym, ol jerde qaraǵashqa jaqyn jerde osy qońyzdar kóp kezdesetin kóp qabatty úı bar. Men tórtinshi qabatta tursam da qońyzdar kórine bastady. Bul ekologıalyq apat. Olardyń qandaı zıan keltiretini belgisiz.
Buryn, bári tazartylyp turatyn biraq qazir bilmeımin. Bıyl aǵash kesýdi múldem qoıdy. Almatyny aǵashtar basyp qaldy. Meniń túsingenim, ákimdik aýlalardy tazalaýǵa ruqsat bergen biraq jasyl jelekterdi kútip-baptaýdy qoıǵan. Buryn aǵashtardyń túbi aǵartylatyn edi. Qazir Áýezovke baryńyz, mundaı aǵash kórmeısiz. Tipten qustardy kóre almaısyz. Bizdiń ásem qalamyzda olar sırek kezdesedi», - dedi Roman.
Tengrinews.kz tilshileri Jazken Jıembaev atyndaǵy Qazaq ósimdikterdi qorǵaý jáne karantın ǵylymı-zertteý ınstıtýtynyń mamandaryna júgindi. Ósimdikterdi bıologıalyq qorǵaý basqarmasynyń basshysy Nurjan Muhamadıevtiń aıtýynsha, munyń bári Almatydaǵy aýa raıy men klımattyń ózgerýine baılanysty. Bıyl qalada kóktem jańbyrly boldy.
«Kóktemniń uzaqqa sozylǵan salqyny, sodan keıin temperatýranyń 35 gradýsqa deıin kóterilýi osy jándikterdiń qaraǵash túbinde kóbeıýine qolaıly kezeń. Olardy halyq arasynda «sasyq qońyz» dep ataıdy. Óıtkeni olar qol tıgizgende jaǵymsyz ıis shyǵarady. Olar negizinen sanıtarlyq kesý az júrgiziletin aýlalarda kóp kezdesedi. Sonymen qatar tazartyp, óńdeýge barlyǵy kelise bermeıtin aýlalarda da kóp. Mundaı jerlerde kóbeıý oshaqtary paıda bolady. Ortalyq kóshelerde mundaı jaǵdaı joq. Bular qaraǵash pen basqa da aǵashtar da ómir súredi. Óıtkeni ol jerler mezgil saıyn óńdeledi», - dedi Nurjan Muhamadıev.
Mamannyń aıtýynsha, dál osyndaı jaǵdaı Almatyda 2017-2020 jyldary bolǵan. Biraq mundaı jándikter zıankesterge jatpaıdy.
«Bul jándikter adamdarǵa zıan keltirmeıdi, jaı ǵana jaısyzdyq týdyrady. Olar qaraǵash tuqymymen qorektenedi. Butalarda ómir súredi. Kúresý úshin evkalıpt maıyn, torlardy, dıhlorvolardy, tereze torlaryn qoldanýǵa bolady.
Aýlalarǵa qus uıalaryn salýǵa keńes berer edim. Qalada qustar az, qurylystar kóbeıgendikten qustar azaıyp ketti. Mektepter men balabaqshalarǵa qustarǵa arnalǵan uıa salý kerek», - dedi Muhamadıev.
Muhamadıev almatylyqtardy sabyr saqtaýǵa shaqyrdy. 2-3 aptadan keıin jándikter qala turǵyndaryn mazalamaıtynyn málimdedi.