23 mlrd teńge kóleminde zańbuzýshylyq anyqtaldy.
Búgingi májilis otyrysynda Joǵary esep palatasynyń basshysy Natalá Godýnova jylýmen jabdyqtaý salasyndaǵy menedjmenttiń tıimdiligine júrgizilgen memlekettik aýdıttiń qorytyndysyn aıtty, dep habarlaıdy Almaty-akshamy.kz
Tekseris barysynda 23 mlrd teńge kóleminde qarjylaı buzýshylyq anyqtaldy.
Tekserý 47 memlekettik mekeme men 44 tabıǵı monopolıa sýbektisinde júrgizildi. 140 mıllıard teńgeden astam búdjet qarajaty men 480 mıllıard teńge aktıvtiń ıgerilý tıimdiligi tekserildi.
"Nátıjesi boıynsha 23 mlrd teńge kóleminde qarjylaı buzýshylyqtar (onyń ishinde 6 mlrd teńgesi búdjet qarajaty), 37 mlrd teńge kóleminde búdjet qarajatyn tıimsiz josparlaý, 117 mlrd teńge kóleminde ekonomıkalyq shyǵyn men joǵalǵan paıda anyqtaldy", dedi Natalá Godýnova.
Jalpy 2020-2022 jyldar aralyǵynda jylýmen jabdyqtaý obektilerin salýǵa, qaıta jańartýǵa jáne jóndeýge 250 mıllıard teńge, onyń ishinde respýblıkalyq búdjetten 84 mıllıard teńge bólindi.
"Alaıda búginde resýrstardy tolyqtyrý «qaýipsizdik marjasyn» jáne jylý-energetıkalyq júıeniń aqaýsyz jumysyn qamtamasyz etpeıtini barshaǵa aıan. Bul tozýdyń joǵary dárejesinen kórinedi. JEO jabdyqtary respýblıka boıynsha orta eseppen 66% tozǵan. Jylý jelileriniń tozýy – 54% bolyp otyr. JEO jalpy sanynan 76%-ynyń paıdalaný merzimi 50 jyldan asqan. 24%-ynyń paıdalaný merzimi 30 jyldan asqan. JEO-nyń ortasha qyzmet etý merzimi – 61 jyl", dedi Natalá Godýnova.
Ol apatty aıaldamalar sany jyl saıyn artyp kele jatqanyn aıtty. Tek olardyń sany 2021 jyly 2020 jylmen salystyrǵanda 22% ósti.