Nur-Sultan men Almaty emhanalaryna Qytaıdyń Sinopharm kompanıasynyń Vero Cell vaksınasy jetkizildi.
Almaty qalasy qoǵamdyq densaýlyq basqarmasynyń málimetinshe, Almatyda 10 myń doza vaksına bar. Osy aptada taǵy 35 000 doza qala turǵyndaryna qoljetimdi bolady, dep habarlaıdy Almaty-akshamy.kz
«Qazir Vero Cell vaksınasy qalalyq emhanalarǵa jetkizildi. Apta ishinde qaladaǵy barlyq emhana Vero Cell vaksınasymen qamtamasyz etiledi. Vaksınanyń qaı ortalyqta bar ekenin telemedısına ortalyǵynyń 1312 nómirine habarlasyp bilýge bolady», – delingen basqarma taratqan aqparatta.
Sondaı-aq, vaksına búgin Nur-Sultanǵa da jetkizildi. Qala ákimdiginiń habarlaýynsha, vaksına qala emhanalaryna, olarǵa bekitilgen saýda oıyn-saýyq ortalyqtary men saýda úılerine bólinedi.
«Ekpeler vaksınasıa pýnktterine jetkizilgennen keıin qoldanysqa engiziledi. Birinshi kezekte vaksınalar medısınalyq uıymdarǵa qarasty egý pýnktterine jetkiziledi. Saýda ortalyqtarynyń egý pýnktterine vaksına bir táýlik ishinde bolady», – dedi qalalyq densaýlyq saqtaý basqarma basshysynyń orynbasary Álıa Rústemova.
Vero Cell vaksınasyn 18 jasqa tolǵan adamdarǵa salý usynylǵan. Vero Cell vaksınasynyń bir dozasy – 0,5 mıllılıtr. Vaksınanyń eki dozasyn saldyrý usynylady. Ekeýiniń arasy 3-4 apta nemese 21-28 kún bolýy qajet.