Almaty qalasy jedel járdem qyzmeti dırektorynyń orynbasary Andreı Lojkın Óńirlik komýnıkasıalar qyzmetiniń brıfıńinde pandemıa kezindegi feldsherler jumysynyń qıyndyǵy men olarǵa túsetin júktemeler týraly aıtty, dep habarlaıdy almaty-akshamy.kz
Andreı Lojkınniń aıtýynsha, eger jyl basynda "jedel járdem" qyzmetine orta eseppen 3200-ge jýyq qońyraý tússe, koronavırýs órship turǵan qazirgi kezde júkteme eki ese ósip, kúnine 6400-ge jýyq qońyraý shalynýda.
«Eń joǵary kórsetkish shamamen bir apta buryn baıqaldy, jedel járdem shaqyrǵan ótinishter sany 8 myńǵa jetti. Sonymen qatar, jedel járdem brıgadalarynyń júktemesi ósti, kúnine shamamen 15 qońyraý, al jyl basynda kúnine 8-10 qońyraý shalynatyn. Qalanyń jedel járdem qyzmetine qarbalas ýaqytta saǵat 10.00-den 15.00-ge deıin jáne 18.00-den 24.00-ge deıin túri ótinishter túsedi, keıde shaqyrtýlarǵa qyzmet keshigip kórsetiledi. Aıtarym, pasıentterdiń ómirine qaýip tóngen shaqyrtýlarǵa birinshi kezekte qyzmet kórsetiledi», - dedi A. Lojkın.
Almaty qalasy "jedel járdem" qyzmetiniń ókili jedel járdemde jas" mamandardyń tapshy ekenin aıtty. Jalpy, jedel járdem qyzmeti tájirıbeli dárigerlermen qamtylǵan. Jedel járdem kólikteri kún saıynǵy shaqyrtýlarǵa barady, júrgizýshiler quramy tolyq.
Jýrnalıserdiń suraqtaryna jaýap bere otyryp, A. Lojkın "jedel járdem" shaqyrǵan kezde bastapqy avtomatty sálemdesý 17 sekýndtan 12 sekýndqa qysqarǵanyn aıtty. Buryndary "jedel járdemge" qońyraý shalý qıyn bolǵany ras, óıtkeni baılanys arnalary shekteýli, 30 ǵana boldy, rezervte turǵany – 20. Búginde Almatyda jedel járdemniń 60 baılanys arnasy iske qosylǵan, dıspecherler sany da ulǵaıdy – aýysymda 12 adamnan 16 adamǵa deıin.
Eger "jedel járdem" qyzmetiniń 103 nómirine habarlasa almaǵan jaǵdaıda, derekterdi avtomatty túrde 112 qyzmetine jiberýge bolady.
A. Lojkın fızıkalyq júktemeden basqa, jedel járdem dárigerlerine moraldyq júktemeniń artqanyn atap ótti. Ol koronavırýs ınfeksıasynyń taralýynyń aldyn alý úshin sanıtarlyq-epıdemıologıalyq normalardy qatań saqtaý qajet ekenin atap ótti.