DSM qalalyq sanıtarlyq-epıdemıologıalyq baqylaý bólimi basshysynyń orynbasary Sadýaqas Baıǵabylov Almatyda demalys kúnderdegi lokdaýn 16 tamyzda aıaqtalatynyn málim etti.
Kelesi aptadan bastap qaladaǵy Ashyq júıesiniń qatysýshylary Almatynyń bas sanıtar dárigeriniń qaýlysyna baılanysty jumys isteıdi, dep habarlaıdy Almaty-akshamy.kz
Megapolıstegi demalys kúngi lokdaýn 2 tamyzdan 16-syna deıin sozylǵan.
Aıta ketsek, 14-15 tamyzda, demalys kúnderi birqatar nysandar óz jumysyn toqtatýy tıis. Bul shekteýler myna mekemelerge qatysty emes:
• ortalyq memlekettik organdar, ákimdikter, quqyq qorǵaý organdary, densaýlyq saqtaý uıymdary, BAQ, azyq-túlik dúkenderi, dárihanalar jáne tirshilikti qamtamasyz etý uıymdary;
• qurylys jumystaryn, ónerkásip uıymdaryn uıymdastyrý;
• baılanyssyz qyzmetter (avtojýý, avtomobılderdi, turmystyq tehnıkany, saǵattardy, telefondardy, kompúterlerdi, aıaq kıimderdi jóndeý, Tigin atelesi, kir jýý oryndary, hımıalyq tazalaý, kiltterdi jasaý jáne basqalar);
• gúl dúkenderi, fotosalondar;
• týrkompanıalar, bıznes-ortalyqtar;
• qyzmettiń jekelegen túrleri (saqtandyrý kompanıalary, advokattyń, notarıýstyń, býhgalterdiń qyzmetteri jáne basqalar).
• qoǵamdyq tamaqtaný obektileri tek alyp ketýge jáne jetkizýge arnalǵan.