Almatyda ótken jyly quramynda 12 myń tonnadan astam synap bar aspaptar men buıymdardy qaıta óńdeldi. Megapolıste qala turǵyndary qaýipti qaldyqtardy tapsyra alatyn birqatar kásiporyndar bar. Bul týraly Óńirlik komýnıkasıalar qyzmetiniń brıfıńinde Almaty qalasy boıynsha Ekologıa departamentiniń ókilderi aıtty, dep habarlaıdy Almaty-akshamy.kz
Vedomstvonyń málimetinshe, qaýipti qaldyqtardy basqarý aıasynda qalada turǵyndardan quramynda synap bar shamdardy jáne aspaptardy jınaý boıynsha pılottyq joba iske asyryldy - PIK aldyndaǵy 10 ýchaskede qaýipti qaldyqtardy jınaýǵa arnalǵan arnaıy konteınerler ornatylǵan.
«2022 jyly «Esoalmaty» JSHS (burynǵy «Almatyekologostroı» MKK) turǵyndardan jáne kelisimshar boıynsha zańdy tulǵalardan 75 037 birlik 12,756 tonna quramynda synap bar aspaptar men buıymdar jınalyp, qaıta óńdeldi. «Synap plús» JSHS óz qyzmetin belgisiz merzimge toqtatty. Atalǵan kásiporyndardan basqa, Almaty qalasynyń aýmaǵynda paıdalanylǵan elektrondyq aspaptar men jabdyqtardaǵy quramynda synaby bar qaldyqtardy jınaýmen «Topan» JSHS, «Promtehnoresýrs» JSHS, termometrlerdi jınaýmen – «MVE Arna» JSHS aınalysady. Quramynda synap bar qaldyqtardy qaıta óńdeýge joǵaryda atalǵan uıymdarǵa tapsyrylady», - dedi Almaty qalasy boıynsha Ekologıa departamentiniń memlekettik ekologıalyq ınspektory Nurjan Bólekbaev.
Qalada medısınalyq qaldyqtardy óńdeýmen «Egıda» JSHS jáne «ÝtılMedstroı» JSHS sıaqty mamandandyrylǵan kásiporyndar aınalysady.