Qarjylandyrýdyń jańa úlgisin usyndy

Qarjylandyrýdyń jańa úlgisin usyndy Sýret: ashyq derekkóz
Sebebi bilim berý baǵdarlamasyn qalada iske asyrý qolaıly bolǵandyqtan aýyldyq jerge jetkilikti kóńil bólinbeı jatyr. Bul máseleni sheshý úshin mınıstrlik tarapynan jańa taraý tolyqtyrylady, dep habarlaıdy Almaty-akshamy.kz Zakon.kz-ke silteme jasap.


Oqý-aǵartý mınıstrliginiń jelisi boıynsha 2022-2023 oqý jylynda qosymsha bilim berý baǵdarlamasy boıynsha mektepterde 49 myńnan astam sport seksıalary jumys istep, oǵan 1,3 mln-ǵa jýyq bala qatysty. Bıyl memlekettik sporttyq tapsyrys boıynsha 190 myńnan astam bala sporttyq úıirmelermen qamtyldy. Biraq berý baǵdarlamasyn qalada iske asyrý qolaıly da, sodan aýyldyq jerge jetkilikti kóńil bólinbeı jatyr. Bul týraly úkimet otyrysynda Mádenıet jáne sport mınıstri Asqat Oralov aıtty.



«Bul jaǵdaı qarjylandyrýdy "qalalyq" jáne "aýyldyq" aımaqtar dep bólý (saralaý) sharttaryn engizýdi qamtamasyz etedi. Atqarylyp jatqan jumystarǵa qaramastan, salanyń problemalary da jetkilikti. Salaǵa taldaý júrgizilip, nátıjesinde elde dene shynyqtyrýdy damytýdyń negizgi problemasy qajet sport ınfraqurylymynyń jetispeýi boldy. Jergilikti jerlerde ákimdikter qoldanystaǵy sport ǵımarattaryn, alańdaryn qaıta qalpyna keltirý jáne jańartý, sonymen qatar halyq tyǵyz ornalasqan oryndarda qymbat emes sport nysandaryn salý jóninde birshama sharalar qabyldap jatyr. Alaıda bul sharalar búginde jetkiliksiz. Jalpy respýblıka boıynsha 43 myńnan astam sporttyq ǵımarattyń 23 myńnan astamy aýyldyq jerde», - dedi Asqat Oralov.




Bıyl úkimet qaýlysymen bekitilgen jospar-kestege sáıkes 113 jańa sporttyq nysan salý, 20 sporttyq nysandy rekonstrýksıalaý, jumys istep turǵan sport obektilerin jete jaraqtandyrý jónindegi 6 joba boıynsha jumys jalǵasady. Mınıstrlik qajettikti anyqtaý úshin búginde oblystardaǵy sport obektilerine túgendeý (ınventarızasıa) júrgizedi.


«Osy maqsatta oqýshylar jáne stýdentter arasynda orta mekteptiń baǵdarlamasyna kiretin sport túrlerinen jyl saıyn mektep jáne stýdentter lıgalary uıymdastyrylyp keledi. Biraq mektep jáne stýdenttik lıga úshin arnaıy búdjettik baǵdarlamanyń bolmaýyna baılanysty bul lıgalar tıisti deńgeıde uıymdastyrylmaı otyr», - dep qosty mınıstr.


Respýblıkada jalpy sany 800-den astam balalar men jasóspirimder klýbtary qyzmet etedi.


Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:23

11:55

11:53

11:34

11:13

11:10

10:38

10:37

10:30

10:21

10:10

08:50

21:12

17:52

17:31

17:31

17:14

17:09

16:11

15:46

15:27

15:21

15:10

15:04

14:41