2022 jyly Almatydan 450 myń tonnadan astam qatty turmystyq qaldyq shyǵarylǵan
Almaty qalasynyń Óńirlik komýnıkasıalar qyzmetiniń brıfıńinde qatty turmystyq jáne qurylys qaldyqtaryn jınaý men shyǵarýdy uıymdastyrý týraly Almaty qalasy boıynsha Ekologıa departamentiniń ókilderi aıtyp berdi, dep habarlaıdy Almaty-akshamy.kz
Almaty qalasy boıynsha Ekologıa departamentiniń memlekettik ekologıalyq ınspektory Nurjan Bólekbaevtyń keltirgen derekteri boıynsha 25 qoqys shyǵaratyn uıym qatty turmystyq qaldyqtardy shyǵarýmen 100% qamtamasyz etedi, olar megapolıs aýmaǵynda 94 ýchaskege qyzmet kórsetedi.
«2022 jyly komýnaldyq qyzmetter, qoqys shyǵaratyn uıymdar Almaty qalasynyń turǵyn úı saıasaty basqarmasynyń derekteri boıynsha qoqys suryptaý keshenderine jáne Almaty oblysynyń 6 polıgonyna – 451,821 myń tonna komýnaldyq qaldyqtardy jınap, áketti. 2021 jyldyń osyndaı kezeńinde 443 myń tonna shyǵarylǵan bolatyn» - dedi spıker.
Qurylys qoqystaryn shyǵarý úshin qurylys kompanıalary Qarasaı aýdanynda ornalasqan Aqsaı karerimen tikeleı shart jasasady. Qurylys qaldyqtaryn qabyldaý kareri Talǵar aýdanynda da ornalasqan.
Spıkerdiń málimetinshe, Almatyda qaıta óńdeletin shıkizatty: makýlatýrany, plasmassany, shyny synyqtaryn, medısınalyq qaldyqtardy jáne basqa da qaldyqtardy jınaýmen, áketýmen jáne qaıta óńdeýmen jeke kásipkerlik sýbektileri aınalysady. 2022 jyly qoqys suryptaý keshenderine 376 737 tonna qatty turmystyq qaldyqtar qabyldandy, 2022 jyly suryptalǵan qaıta óńdelgen shıkizat kólemi 333 951 tonna, kádege jaratý paıyzy 11,35% qurady.
«Green Recycle» JSHS jeke seriktesi qaıta óńdeletin shıkizatty qaıta óńdeýge tapsyrý týraly 13-shi uıymmen yntymaqtastyq týraly sharttar jasasty: Plasık – «Recycle Ecology» JSHS, «Kaz vtor Plast» JSHS; Promazana – «Omar Plas» JSHS, «Nurken» JK, «Damır kompanı» JSHS, «Radýga» JSHS, «Kaz West Green Energy» JSHS; metal – «Alataý 21» JSHS, «JoLAY» JSHS, «Global Trans Service Group» JSHS; makýlatýra – «Kazakhstan West Recycling» JSHS, «Karına treıd» JSHS, «Maolın» JK; shyny - «EcoCity» JSHS, «Mambetov» JK.
«Kazakhstan West Recycling» JSHS-men birlesip qala aýmaǵynda qaıta óńdeletin shıkizatty qabyldaý boıynsha 31 pýnkt ornatyldy. Pavılondar avtonomdy, «Kazakhstan West Recycling» JSHS jáne «Operator ROP» JSHS qarajaty esebinen daıyndaldy (10 000 tonnaǵa jýyq qaıta óńdeletin shıkizat jınaldy).
Sondaı-aq, Almaty qalasynyń aýmaǵynda 2018 jyldan bastap qatty turmystyq qaldyqtardy suryptaý kólemi jylyna 28800 tonnaǵa deıin «Kýıkabaev M.D» JK qoqys suryptaý stansıasy jumys isteıdi.