Ortalyq memlekettik murajaı Jeńis kúnine oraı «Qazaqtyń batyr qyzdary» atty kóshpeli kórme ótkizdi.
Qazaq ulttyq qyzdar pedagogıkalyq ýnıversıtetiniń stýdentteri men ustazdaryna Keńes Odaǵynyń Batyry Álıa Moldaǵulova, Mánshúk Mámetova jáne Hıýaz Dospanovanyń fotosýretteri, hattary, jeke qujattary men jeke dúnıeleri sekildi mýzeı qoryndaǵy qundy jádigerler usynyldy, dep habarlaıdy almaty-akshamy.kz.
Kórme qonaqtary sırek kezdesetin zattardy — Mánshúk Mámetovanyń kóılegin, stýdent kezinde kıgen medısınalyq halatyn jáne basqa zattardy tamashalaı aldy.
Q.Sátbaev atyndaǵy Almaty gımnazıasynda ótken «Jeńis rýhyna taǵzym» kórmesinde İİ dúnıejúzilik soǵys batyrlary — Halyq Qaharmany Rahymjan Qoshqarbaev, Saǵadat Nurmaǵambetov jáne Keńes Odaǵynyń Batyry Álıa Moldaǵulovanyń fotosýretteri, baǵaly qujattary jáne basqa da jeke zattary usynyldy.
Shara barysynda qonaqtarǵa batyrlardyń ómiri men erligi týraly baıandaldy.
Atap aıtqanda, oqýshylar Halyq Qaharmany Saǵadat Nurmaǵambetovtyń áskerı kıimimen, Rahymjan Qoshqarbaevtyń nagradalarymen jáne muraǵat qujattarymen tanysty.
