Memlekettik organdar basshylary men bilikti erikti zańgerler qatarynan quralǵan sybaılas jemqorlyqqa qarsy mobıldik top Almaty qalasynyń 100-den astam kásipkerine quqyqtyq keńes berdi, dep habarlaıdy almaty-akshamy.kz.
Mobıldi toptyń negizgi maqsaty – azamattardyń zań konsýltasıalaryna qol jetkizýin qamtamasyz etý jáne olardyń ózekti máselelerin zańǵa sáıkes jedel sheshý.
Halyqqa yńǵaıly bolý úshin is-sharany ótkizý orny retinde 340-tan astam bıznes sýbektisi ornalasqan «Atakent moll» saýda-oıyn-saýyq ortalyǵy tańdaldy.
Máselelerdiń kópshiligi salyq salý, kedendik ákimshilendirý, jer qatynastary jáne qurylys salalary boıynsha kóterildi.
Aksıa barysynda azamattar 9 bilikti zańger-eriktilerden jáne qalanyń 12 memlekettik organdarynyń basshylarynan tegin quqyqtyq kómek pen keńes aldy.
Memlekettik organdar tarapynan sharalar qabyldaýdy talap etetin máseleler Almaty qalasynyń Sybaılas jemqorlyqqa qarsy qyzmetiniń erekshe baqylaýyna alyndy.
Atalǵan is-shara «Sybaılas jemqorlyqqa qarsy volonterlik» jáne «Bızneske jol» jobalaryn iske asyrý sheńberinde uıymdastyryldy.
Osyndaı kóshpeli konsýltasıalar qalanyń basqa da saýda-oıyn-saýyq ortalyqtarynda jalǵasatyn bolady.