Almaty qalasy boıynsha ótkizilip jatqan «Almaty – bizdiń ortaq úıimiz» naýqany aıasynda Qazaq memlekettik sırkinde «15 plasıkalyq bótelke tapsyryp, sırkke bılet alyńyz» aksıasy ótti. Aksıa 15-19 sáýir aralyǵynda ótkizildi.
Aksıa barysynda árkim sırk aýmaǵynda arnaıy ornatylǵan jáshikterge plasıkalyq bótelkelerdi tapsyra alady. Aksıadan keıin jınalǵan barlyq bótelke qaıta óńdeýge jiberildi, dep habarlaıdy Almaty-akshamy.kz.
Bes kúnniń ishinde almatylyqtar 10000-ǵa jýyq plasıkalyq bótelke tapsyryp, sırktegi «Shulyqsyz» halyqaralyq baǵdarlamasyna 595 bılet aldy.
4 mamyrdan 2 maýsymǵa deıin mereıtoılyq týr aıasynda Almaty sırkinde álemge áıgili máskeýlik «Shulyqsyz» kloýn trıosynyń qoıylymy ótedi. Sırk baǵdarlamasyna akrobattar, ekvılıbrıser, arqanmen júrýshiler, áýe gımnasttary, úıretilgen aıýlar men ıtter qatysady.
Máskeýdiń «Shulyqsyz» saıqymazaqtary Monte-Karlodaǵy halyqaralyq sırk festıvaliniń jeńimpazy atanǵan.
Bılettiń baǵasy 2000-nan 6000 teńgege deıin, 4 jasqa deıingi balalarǵa tegin. Baǵdarlamanyń uzaqtyǵy 1 saǵat 20 mınýt.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.