Almatyda aǵymdaǵy jyldyń 24 sáýiri men 31 mamyry aralyǵynda M. Gandı kóshesinen Tımırázev kóshesine deıin Batys Jeltoqsan kóshesi boıynsha avtokólik qozǵalysy ishinara shekteledi.
Ýaqytsha shekteýler magıstraldyq qubyrdy aýystyrý jáne jol tósemin ortasha jóndeý qajettiligine baılanysty, dep habarlaıdy Almaty-akshamy.kz.
25 jyldyq qyzmet normatıvteri boıynsha eseptelgen atalǵan ýchaskemen ótetin qubyr 1992 jyldan beri 32 jyldan astam ýaqyt boıy paıdalanylýda. Monıtorıń sońǵy bes jylda munda 17 zaqym tirkelgenin kórsetti.
Qubyrdy jóndeý jumystary kezinde kún saıyn saǵat 07:00-den 22:00-ge deıin Batys Jeltoqsan kóshesi boıynsha kólik qozǵalysy soltústik baǵytta bir jaqty bolady. Kún saıyn saǵat 22.00-den 07.00-ge deıin jáne demalys kúnderi qozǵalys eki jaqqa da jabylady.
Gandı kóshesinen ońtústik baǵytta ál-Farabı dańǵylyna shyǵatyn jol Qozybaev kóshesi boıynsha uıymdastyrylady.
2 mamyrdan bastap qalalyq mobıldilik basqarmasy ál-Farabı dańǵylynan Tımırázev kóshesine deıin Batys Jeltoqsan kóshesinde ortasha jóndeý jumystaryn bastaıdy.
Basynda trotýarlar men aryq jelileri jóndeledi, búlingen jıekter ishinara aýystyrylady, sodan keıin asfált jabyny frezerlenedi. Qubyrdy jáne asfált jabynynyń tómengi qabatyn tósegennen keıin joldyń búkil enine polımerdi qoldana otyryp, asfáltbeton tóseý júrgiziledi.
Qozǵalys tolyǵymen 1 maýsymǵa deıin qalpyna keltiriledi. Májbúrli qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.