Turǵyn úı kezegine endi tek onlaın túrde turasyz

Avtor Almaty-akshamy.kz
06:06, 04 aqpan 2022

Sýret: Inform.kz

Bul rásim tek egov.kz portaly arqyly elektrondy túrde júrgiziledi.

Budan bylaı turǵyn úı kezegine qoıý týraly ótinimdi «Azamattarǵa arnalǵan úkimet» komersıalyq emes aksıonerlik qoǵam (Halyqqa qyzmet kórsetý ortalyqtary) qabyldamaıdy, dep habarlaıdy Almaty-akshamy.kz

Egov.kz portaly arqyly kezekke turý úshin bar bolǵany elektrondy sıfrlyq qoltańba kerek. ESQ arqyly kirgen adamnyń kiristeri, adrestik tirkeýi, qandaı sanatqa jatatyny týraly málimettiń bári ózdiginen shyǵyp turady. Munda da baspana kezegine turýshynyń ózi ótinish berip otyrǵan qalada kem degende úsh jyl turaqty tirkeýi bolýy shart. Ótinish bergen adamnyń jáne onyń otbasy músheleriniń kezekke turǵan sátte jáne sońǵy 5 jylda QR boıynsha menshik quqyǵynda turǵyn úı múlki bolmaýy tıis.

Turǵyn úı kezegine myna adamdary tura alady:

* Ekinshi dúnıejúzilik soǵystyń múgedekteri men qatysýshylary;

* jetim balalar, ata-anasynyń qamqorlyǵynsyz qalǵan balalar;

* halyqtyń áleýmettik osal toptary;

* kóp balaly otbasylar;

* memlekettik qyzmetshiler, búdjettik uıymdardyń qyzmetkerleri, áskerı qyzmetshiler, ǵaryshkerlikke kandıdattar, ǵaryshkerler, arnaýly memlekettik organdardyń qyzmetkerleri, memlekettik saılanbaly qyzmet atqaratyn adamdar;

* jalǵyz turǵyn úıi Qazaqstan Respýblıkasynyń zańnamasynda belgilengen tártippen avarıalyq jaǵdaıda dep tanylǵan azamattar.

Halyqtyń áleýmettik osal toptaryna kimder jatady?

* Ekinshi dúnıejúzilik soǵystyń múgedekteri men qatysýshylaryna teńestirilgen adamdar;

* múgedek balalary bar nemese olardy tárbıeleýshi otbasylar;

* keıbir sozylmaly aýrýlardyń aýyr túrlerimen aýyratyn adamdar:

* jasyna baılanysty zeınetkerler;

* jetim balalar, ata-anasynyń qamqorlyǵynsyz qalǵan balalar

* kóp balaly otbasylar;

* tolyq emes otbasylar;

* I jáne II toptaǵy múgedekter;

* qandastar;

* ekologıalyq zilzalalar, tabıǵı jáne tehnogendik sıpattaǵy tótenshe jaǵdaılar saldarynan turǵyn úıinen aıyrylǵan adamdar;