Almaty Ortalyq qalalyq klınıkalyq aýrýhanasynyń travmatology Dáýlet Chýkmanov 1969 jyly týǵan naýqasqa oń jambas moınynyń endoprotezdeý otasyn sátti jasap shyqty.
Bul ota 1994 jyly jambas moınynyń synýynan týyndaǵan aıaqtaǵy máseleni sheship berdi, dep habarlaıdy Almaty-akshamy.kz.
Naýqas shamamen 30 jyl buryn jambas moınyn syndyryp alǵan. Saldarynan oń aıaǵy10 sm-ge qysqarǵan Ýaqtyly hırýrgıalyq ota jasalmaýdyń saldarynan aıaq ýaqyt óte kele qysqaryp, naýqastyń ómir súrý sapasyn edáýir nasharlatyp, sozylmaly aýyrsynýdy týdyrdy jáne qozǵalysty shektedi.
Ota kezinde naýqasqa jambas býynynyń jalpy endoprotezi ornatyldy.
1,5 saǵattyq ota kezinde travmatologtar aıaqty qalypty uzyndyqqa qaıtaryp, býynnyń jumysyn qalpyna keltire aldy.
Endoprotezdeý - mamannyń mol tájirıbesi men sheberligin qajet etetin kúrdeli jáne joǵary tehnologıalyq prosedýra.
"Ota sátti ótti, naýqas qalpyna kelý prosesin bastady. Aıaqtyń uzarýy jáne endoprotezdi ornatý onyń qozǵalǵyshtyǵy men ómir súrý sapasyn edáýir jaqsartty jáne qalypty fızıkalyq belsendilikke oralýǵa jáne sozylmaly aýyrsynýdan arylýǵa múmkindik berdi", - dep atap ótti Dáýlet Chýkmanov.
Esińizge sala keteıik, Ortalyq qalalyq klınıkalyq aýrýhanada jambas býyndaryn endoprotezdeý boıynsha ota júrgiziledi.