Bul týraly «Indýstrıalyq damý qorynyń» ókilderi habarlady.
Jeńildetilgen avtonesıelerdi óteý aıasynda engizilgen qarajat jınaqtalyp, qarasha aıynan bastap jyldyq 4% qaıtadan nesıe túrinde beriledi, dep habarlaıdy Almaty-akshamy.kz.
Bul týraly Qazaqstan mashına jasaýshylarynyń H forýmynda «Indýstrıalyq damý qory» tóraǵasynyń orynbasary Rınat Ǵapparov málimdedi. Osy ýaqytqa deıin 13,5 myńnan astam nesıe maquldanyp, 11 myńnan astam avtokólik berilgen.
«Aınalmaly qorlar túse bastady. Meniń oıymsha, aınalym qarajaty qaıtadan baǵdarlamaǵa engizilip, qarjylandyrý qarashanyń birinshi jartysynda ashylady dep oılaımyn. Qarasha aıynan bastap jyl saıyn 2000 kólik bolady», – dedi R. Ǵapparov.