Jeke taksı qyzmetin kórsetip júrgen adamnyń kim ekeni anyqtalǵan.
Kólik polısıasy ıtalıalyq azamatshadan qonaqúıge jetkizgeni úshin 45 myń teńge alǵan almatylyq taksıstiń kim ekenin anyqtady, dep habarlaıdy Almaty-akshamy.kz QazAqparatqa silteme jasap.
Kóliktegi polısıa departamentiniń málimetinshe, Italıadan kelgen azamatsha Almaty áýejaıynan qonaqúıge jetkizgeni úshin taksıske 45 myń teńge tólegen.
Departament bastyǵynyń birinshi orynbasary Madıar Aıtýǵanovtyń aıtýyna qaraǵanda, qala turǵynynan shetel azamatyn asa qymbat baǵamen jetkizip tastaǵan júrgizýshige shara qoldaný kerektigi týraly ótinish túsken.
Kóp ótpeı jedel izdestirý sharalary nátıje berip, jeke taksı qyzmetin kórsetip júrgen adamnyń kim ekeni anyqtalǵan.