Megapolıstegi ınjenerlik-tehnologıalyq ýnıversıtetterdiń birinde oqytýshylar men stýdentterdiń qatysýymen kezdesý ótti, Jıynda qatysýshylardy 6 qazanda ótetin referendýmǵa belsendi qatysýǵa shaqyrdy, dep habarlaıdy aqshamnews.kz
Shaqyrylǵan spıkerler jınalǵandarǵa referendýmnyń mańyzdy demokratıalyq qural ekendigin aıtyp, azamattarǵa el bolashaǵyna áser etetin mańyzdy máseleler boıynsha óz pikirin bildirýge múmkindik beretinin túsindirdi. Sondaı-aq, AES salýdyń álemdik tájirıbe ekendigi jáne basqa elderde energetıkalyq qaýipsizdikti qamtamasyz etý úshin keńinen qoldanylyp júrgeni atap ótildi.
"Menińshe, referendým – ár azamatqa óz pikirin bildirýge múmkindik beretin mańyzdy mehanızm. Bul sheshim qabyldaý prosesiniń ashyqtyǵyn qamtamasyz etedi. Barshańyzdy referendýmǵa belsendi qatysýǵa shaqyramyn, bul elimizdiń bolashaǵy úshin óte mańyzdy. Zamanaýı qorǵanys tehnologıalary AES-ti adamdar men qorshaǵan orta úshin qaýipsiz etedi. Mysaly, Fransıa, AQSH, Qytaı beıbit atom energıasyn sátti qoldanyp otyr," – dedi AMANAT partıasynyń Bostandyq aýdandyq fılıalynyń tóraǵasy Saben Tanyshqalı.
Óz kezeginde úshinshi kýrs stýdenti Janar Mýsına jastardyń el bolashaǵy osyndaı jahandyq sheshimderge baılanysty ekenin túsinýi kerektigin aıtty.
"Biz úshin prosestiń ashyqtyǵy mańyzdy, jáne dál qazir biz úlken jaýapkershilikti sezinýdemiz. Bul máselege baıyppen qarap, óz tańdaýymyzdy jasamas buryn barlyq aspektilerdi muqıat zertteýimiz kerek," – dedi ol.