Almatyda Halyqaralyq ınjenerlik-tehnıkalyq ýnıversıtette Atom Elektr Stansıasy boıynsha jıyn ótti.
Jıynǵa birqatar qoǵam belsendileri, tehnıkalyq sala mamandary, oqytýshy, profesor, ǵalymdar, stýdentter jáne t.b. qatysty.
İs-sharada 6 qazanda ótetin referendým jóninde oı-pikirler aıtyldy. Sondaı-aq sala mamandary oılaryn aıtyp, jan-jaqty talqylady.
«AES ekonomıkalyq qaýipsizdikke 60% baǵyttalǵan. Dálirek 3+ boıynsha salynǵaly jatyr. Bul qajetilikten týyndap otyrǵan is. Ýaqyt ozdyrmaı óz deńgeıinde bir kisideı berekeli isti qolǵa alý kerek», – dedi AMANAT partıasy Bostandyq aýdandyq fılıalynyń tóraǵasy Tynyshqalı Tóreǵalıuly.
Atom Elektr Stansıasy toq kózderin retteýge úlken septigin tıgizetin kórinedi. Bul týraly Ál-Farabı atyndaǵy QazUÝ «Qarjy» kafedrasynyń dosenti Ǵalymjan ESQARAULY aıtyp berdi.
«AES kerek joba bolyp tur. Energıa tapshylyǵyn sheshýimiz qajet. Jan-jaqtaǵy kórshilerge kiriptar bolmaıyq. Taza ekologıalyq tıimdi joba bizge kerek. Sondyqtan bul jobanyń tıimdiligin el-halyq kóredi. Damyǵan elderdiń bárinde jańa tehnologıalyq tájirıbe óndiriste qoldanylady», – dedi ol.