Almatylyq kolej stýdentteri Fransıada ótken WorldSkills halyqaralyq chempıonatynda júldeli orynǵa ıe boldy
Tarıhta tuńǵysh ret ulttyq qurama Fransýz qalasy Lıonda ótken 47-shi WorldSkills halyqaralyq chempıonatynda 7 medalón jeńip alyp, jetistikke jetti. Bizdiń elimizdiń namysyn 30 quzyrettilik boıynsha 32 qatysýshy jáne 30 halyqaralyq sarapshy qorǵady.
Sonyń ishinde, Almaty qurylys-tehnıkalyq kolejiniń stýdenti Mıhaıl Popov Qurǵaq qurylys jáne sylaq jumystary» quzyrettiligi boıynsha úzdik dep tanylsa, Almaty qalasy «Ádilet» kolejiniń stýdenti Janel Saǵyndyq «Qonaq úı resepshıonısti» quzyrettiligi boıynsha top jardy.
Sonymen qatar, «Ulttaǵy úzdik» nomınasıasy boıynsha boıynsha úzdikter:
Rýslan Iýsýpov — Oral aqparattyq tehnologıalar kolejiniń stýdenti — «Veb-tehnologıalar»;
Áıgerim Dosova — Shymkent qalasynyń jeńil ónerkásip jáne servıs koleji — «Sán tehnologıasy»;
Danıar Ábikenov — Qostanaı avtomobıl kóligi kolejiniń stýdenti — «Jelilik jáne júıelik ákimshilendirý»;
Tımýr Babenko men Elnar Jýasbaev — Semeı qalasynyń Radıotehnıka jáne baılanys kolejiniń stýdentteri — «Mobıldi robototehnıka»;
Artýr Leıman — Pavlodar servıs jáne tamaqtaný kolejiniń stýdenti — «Meıramhana servısi».
Qazaqstandyq tehnıkalyq jáne kásiptik bilim berý stýdentterin álemdik arenadaǵy joǵary kórsetkishterimen quttyqtaımyz!
WorldSkills Lyon — 2024 halyqaralyq kásibı sheberlik chempıonatyna 69 elden 1500-ge jýyq kolej stýdentteri qatysty.
Anyqtama: WorldSkills International 25 jasqa deıingi jas mamandardyń kásibı daǵdylaryn anyqtaýǵa jáne damytýǵa baǵyttalǵan iri halyqaralyq jarys bolyp tabylady. Chempıonat halyqaralyq yntymaqtastyqty nyǵaıtýǵa jáne sıfrlyq transformasıa jaǵdaıynda jumysshy mamandyqtary men zamanaýı tehnıkalyq bilimniń mańyzdylyǵyn arttyrýǵa baǵyttalǵan, oǵan álemniń túkpir-túkpirinen qatysýshylar jınalady. Maqsaty — búkil álem boıynsha tehnıkalyq mamandyqtar boıynsha kásibı daıarlyqtyń mártebesi men standarttaryn nasıhattaý. Esterińizge sala keteıik, 2023 jyly Qazaqstan quramasy Gdansk qalasynda ótken EuroSkills chempıonatynda alǵash ret 2 medal jáne 4 medalón jeńip aldy.