Almatyda Bostandyq aýdanynda jylý júıelerin jóndeýge baılanysty Býhar-jyraý býlvaryndaǵy kólik qozǵalysy ýaqytsha jabylady, dep habarlaıdy aqshamnews.kz «Almaty jylý jelileri» JSHS-ne silteme jasap.
2024 jylǵy 17 qyrkúıekte saǵat 22:00-ge deıin Býhar-jyraý býlvary boıyndaǵy Baıtýrsynov pen Markov kósheleri aralyǵynda kólik qozǵalysy batys baǵytta jabylady. Bul shekteýler jylý júıelerindegi gıdravlıkalyq synaqtar kezinde anyqtalǵan aqaýlardy jóndeý úshin engizilip otyr. Magıstraldy jylý jelisin jóndeý jumystaryna 4 arnaıy tehnıka jáne 20 adam jumyldyrylǵan. Tutynýshylar úshin jylý parametrleri ózgerissiz qalady. Joldyń asfált-beton jabyny jóndeý aıaqtalǵannan keıin qalpyna keltiriledi.
Gıdravlıkalyq synaqtar jylý júıeleriniń jabdyqtarynyń jaǵdaıyn tekserý jáne aqaýlardy anyqtaý maqsatynda, qaladaǵy aldaǵy jylytý maýsymyna daıyndyq aıasynda júrgizilýde.
Synaqtar kezinde qaýipsizdik sharalaryna qaramastan, tótenshe jaǵdaılar bolýy múmkin. Mundaı jaǵdaıda eshqandaı derbes áreketter jasamańyz, dereý oqıǵa ornynan shyǵyp, «Almaty jylý jelileri» JSHS-na 378-06-48 (ishki 1014), 378-06-62 (ishki 1013) nemese 109 nómirleri arqyly habarlasyńyz.
Aıta keteıik, qozǵalys shekteýlerine qatysty barlyq aqparat Almaty.kz saıtynda, Telegram-arnasynda @AlmatyJoly, aýdandyq ákimdikterdiń jáne basqarmalardyń áleýmettik jelilerinde, sondaı-aq «2GIS» jáne «Iandeks kartalary» servısterinde jarıalanǵan.
Ýaqytsha qolaısyzdyqtarǵa túsinistikpen qarap, kórsetilgen ýchaskeden aldyn ala aınalyp ótýdi josparlaýdy suraımyz.